Deliu reagon pas fyerjeve gërditëse ndaj Musliut: Ku janë feministet e VV-së?

Deputetja e PDK-së, Ganimete Musliu, është bërë cak i fyerjeve e linçimeve veç pse debatoi në Kuvendin e Kosovës në mënyrë të ashpër me kryeministrin e vendit, Albin Kurti.

Ndaj saj u drejtuan mijëra komente me përmbajtje të rëndë ofenduese, sharje, kërcënime e mesazhe të tjera gërditëse, shkruan lajmi.net.

Për këtë, ka reaguar bashkëpartiakja e Musliut, Blerta Deliu. Kjo e fundit ka thënë se kjo fushatë është e frikshme.

Ajo madje ka pyetur se ku janë feministet e VV-së dhe a e mbrojnë ato një grua kur ajo “sulmohet brutalisht nga burrat e tyre”.

Postimi i plotë i Deliut:

Ta papranueshme sulmet e orekestruara ndaj koleges sime Ganimete Musliu. E frikshme kjo vërsulje e militantëve ndaj Ganes.

Kjo mendësi e racizmit kulturor nuk kalon, ashtu siç nuk kalon heshtja e Vetëvendosjes ndaj kësaj turme linquesish.

Ku janë feministet e VV-së?

A e mbrojnë ato një grua, kur ajo sulmohet brutalisht nga burrat e tyre?. /Lajmi.net/