Shkruan Kimete Berisha: Qetësohu, moj

(Edhe pas Vjosës – Vjosa.)

Se je habitur: duke kujtuar se po e do veten, në fakt po e do Vetëvendosjen më shumë se veten.

Sepse vetëm dhe ekskluzivisht atyre u hyn në udhë që Presidenti të zgjidhet drejtpërdrejt nga populli.

Prandaj, ata menjëherë ua bën amin kërkesave të tua për ndryshime kushtetuese.

Dhe për ironi, bash sot – kur s’duhet – po dukesh edhe pronare e popullit, edhe notere e pavetëdijshme e tij.

Se këtë punë ka lakmia: ta merr mendjen.

Të gjithë e dinë mirë se kjo punë nuk bëhet me frymë në fyt dhe veç pse ti ke qejf.

Qetësohu.

Ne besojmë në jetën e përtejme.

Edhe në atë pas mandatit.

Deri dje të dukej mirë që ishe e zgjedhur nga Kuvendi…

e në ditën e fundit të ra ndërmend se s’qenka bash mirë.

Nesër e kupton se Albin Kurti nuk është i pari vetëm për opozitën.

Prej sot është i pari edhe për ty.

P.S.

Tani jo vetëm me pallatet e tua, por edhe me sjellje prej bizhozi politik po dukesh si e Las Vegasit.

Me apo pa sheshir – cirku është i njëjtë.

AUTOKRITIKË:

Populli vendos nëse unë shkruaj më së bukuri.

Ku është populli?