Media spanjolle habit për Vedat Muriqin! Ja si e emërton, që askush nuk e priste

Futbollisti i kombëtares së Kosovës, Vedat Muriqi, është kryefjala e mediumeve jo vetëm spanjolle.

Dy golat e tij sot e futen në histori dhe kaloi edhe legjendën e Kamerunit, Samuel Eto’o.

Mallorca e mposhti me rezultat 3:0 Rayo Vallecanon.

‘Perandori Muriqi: Pirati pushton fronin e shekullit XXI në “Son Moix””, është titulli i portalit spanjoll “Mallorcainforma”.

“Nga mbretërimi i Samuel Eto’o në fillim të shekullit XXI deri te ngritja përfundimtare e “Piratit”.

Vedat Muriqi shënon dy gola kundër Rayo Vallecanos dhe, në minutën e 40-të, bëhet golashënuesi më i mirë i të gjitha kohërave i RCD Mallorca në La Liga me 55 gola.

Ka gola që vlejnë tri pikë dhe ka të tjerë që vlejnë një vend në histori.

Goli i Vedat Muriqit në minutën e 40-të i përket kësaj kategorie të dytë, më i rrallë, më i qëndrueshëm dhe më i vështirë për t’u harruar”, shkruan më tej, duke shtuar:

“Sepse nuk ishte vetëm goli për 2:0 kundër Rayo Vallecano-s. Ishte momenti i saktë kur sulmuesi nga Kosova kaloi një kufi të padukshëm dhe la pas territorin e të mëdhenjve për t’u vendosur në atë të të pavdekshmëve.

Deri në atë çast, froni kishte një emër: Samuel Eto’o. 54 golat e tij në La Liga kishin qëndruar si një kurorë e fortë që nga fillimi i viteve 2000, kur kamerunasi sundonte zonën e penalltisë me lehtësinë e dikujt që nuk kishte nevojë për shpjegime.

Dy dekada më vonë, ndryshimi i pushtetit nuk ndodhi papritur, por siç ndodhin gjërat e mëdha: hap pas hapi, gol pas goli, pa zhurmë… derisa gjithçka u vendos në vendin e vet.

Dhe kjo ndodhi në stadiumin Son Moix Stadium, brenda vetëm katër minutash.

Sepse “Pirati”, nofka që e ka shoqëruar gjithmonë si një flamur beteje, është ngritur tashmë në një nivel të ri.

Nuk bëhet më fjalë vetëm për të pushtuar zonat kundërshtare, për të fituar duele apo për të ndihmuar ekipin në momentet e vështira. Sot, Muriqi ka ndaluar së lundruari dhe ka filluar të sundojë. Ka kaluar nga sulmues në komandant. Nga instinkt në trashëgimi. Sot, Pirati është Perandor”.

“Ai mbështetet nga një numër i rrumbullakët., 55 gola, por mbi të gjitha nga një ndjesi: ajo e të qenit dëshmitarë të një futbollisti që e ka kthyer kohën e tij te Mallorca në diçka më shumë sesa rezultate të menjëhershme.

Në një trashëgimi që mbetet.

Megjithatë, historia nuk përfundon këtu…

Sepse ndërsa feston rekordin historik në La Liga, një tjetër majë shfaqet në horizont. 27 golat në një sezon të vetëm kampionati, rekord i vendosur nga Dani Güiza, vazhdojnë të qëndrojnë si një sfidë për këdo që guxon ta shikojë drejt në sy.

Muriqi tashmë ka treguar se e kupton rrugëtimin afatgjatë, këmbënguljen dhe përsëritjen.

Futbolli i tij nuk është për shpërthime të rastësishme, por për qëndrueshmëri.

Lojtari nga Kosova ka realizuar

21 gola këtë sezon.

Ndoshta pikërisht për këtë arsye, ky rekord nuk duket si fundi i historisë, por si fillimi i një kapitulli të ri.

Shekulli XXI pati mbretin e tij.

Tani ka një perandor”, ka përfunduar media spanjolle.