Familja e Haki Imerit thirrje partive: Presidenti të jetë figurë neutrale, në frymën e sakrificës së familjes Jashari

Familja e veprimtarit të vrarë të LDK-së, Haki Imeri ka reaguar publikisht lidhur me zhvillimet e fundit politike në vend, duke hedhur mesazhe të forta për unitet dhe përgjegjësi në procesin e zgjedhjes së Presidentit të ri të Kosovës.

Në një postim drejtuar miqve dhe opinionit publik, familja Imeri ngre pyetjen nëse tri partitë e mëdha politike janë pranë një marrëveshjeje për të mbështetur një kandidat të përbashkët për postin e Presidentit., shkruan “Bota sot”

Duke iu referuar historisë së luftës çlirimtare, ata theksojnë se në familjen legjendare Jashari lindi Ushtria Çlirimtare e Kosovës, aty ku – sipas tyre – nisi liria dhe u dëshmua fryma e sakrificës dhe flijimit të pashembullt në histori.

Sipas familjes Imeri, Presidenti duhet të jetë figurë neutrale dhe simbol i besimit qytetar, duke lënë të kuptohet se posti i kreut të shtetit duhet të ngrihet mbi interesat partiake dhe përçarjet politike.

Lexo detajet në koment:

-Të dashur miq,

-A janë tri partitë e mëdha pranë një marrëveshjeje për të mbështetur një kandidat të përbashkët😘?

-Në familjen legjendare Jashari lindi Ushtria Çlirimtare e Kosovës.

-Aty nisi liria.

-Aty e gjejmë frymën e sakrificës, flijimin e pa degjuar ne histori te njerezimit .

-Dhe aty e gjejmë lehtë edhe Presidentin që i duhet sot Kosoves.

-Koha kërkon pastërti.

-Kërkon unitet.

-Kërkon përgjegjësi.

-Presidenti duhet të jetë neutral, simbol i besimit qytetar..