TË FUNDIT

Çështja e dialogut, emisari Lajçak takohet me Stuart Peach

Emisari i BE-së për dialogun Kosovë-Serbi, Miroslav Lajçak, gjatë ditës ka qëndruar në Londër.
Ai thotë se ka takuar ministrin për Evropën në Mbretërinë e Bashkuar, por edhe të dërguarin e këtij vendi për Ballkanin Perëndimor, Stuart Peach, me të cilët kanë shkëmbyer qëndrimet rreth dialogut Kosovë-Serbi.

“Pata sot një ditë të plotë me takime produktive në Londër për të shkëmbyer qëndrime mbi Dialogun dhe Ballkanin Perëndimor në përgjithësi me ministrin për Evropën në Britani të Madhe, Leo Docherty, me mikun tim të dashur Lordin Peach dhe ekipin e Zyrës së Jashtme, të Komonuellthit dhe të Zhvillimit”, tha Lajçaku në një postim në Twitter.

Mehaj dhe Aliu në konferencë për media, flitet për aeroportin e Gjakovës

Në Ministrinë e Mbrojtjes, sot duke filluar nga 09:00, do të mbahet konferencë për media nga ministri i Mbrojtjes, Armend Mehaj dhe nga ministri i Mjedisit, Planifikimit Hapësinor dhe Infrastrukturës, Liburn Aliu.
Kështu njoftoi ministria e Mbrojtjes, me anë të një njoftimi për media. Sipas njoftimit, temë e diskutimit do të jenë shpronësimet në Babaj të Bokës dhe në Aeroportin e Gjakovës.

“Tema e kësaj konference është në lidhje me shpronësimet në Babaj të Bokës dhe në Aeroportin e Gjakovës”, thuhet në njoftimin e ministrisë së Mbrojtjes.

Vetura bëhet “llom” nga një aksident i rëndë trafiku, i aksidentuari ka një mesazh për shoferët

Të shpeshta janë aksidentet e trafikut në vendin tonë.
Madje shumë prej tyre kanë përfunduar me të lënduar e në disa raste edhe me viktima.

Një aksident mjaftë i rëndë ka ndodhur edhe dje në rajonin e Malishevës.

Për fat të mirë i aksidentuari në këtë rast ka shpëtuar pa asnjë lëndim.

Po ashtu i njëjti ka porositur qytetarët që të kenë kujdes në përshtatje të shpejtësisë dhe përdorim të telefonit gjatë vozitjes./Lajmi.net/

Ymeri: Kurti s’është më kryeministër i shpresës, as vetë s’e beson këtë

Pas intervistës me kryeministrin e Kosovës, Albin Kurti, është diskutuar nga analistët politikë, për ato që i tha kryeministri.
Ish-kreu i VV-së, Visar Ymeri, ka deklaruar se Kurti nuk shihet më si kryeministër i shpresës. Madje, sipas tij as vetë i pari i qeverisë nuk e beson një gjë të tillë.

Siç shtoi Ymeri, Kurti nuk dallon shumë nga politikanët e tjerë që kanë qeverisur me Kosovën.

“Kurti sot, e futi veten në këtë regjistër të politikaneve [shumë kanë qenë ta korruptuar tash janë vetëm disa]. Kurti më nuk është kryeministri i shpresës, ky as veten se sheh më si kryeministër i shpresës. Kurti nuk tregoi fare për asnjë aspekt transformativ e vizionar për Kosovën, krejt çfarë tregoi ishte se po mundohet të qeverisë pak më mirë, diku po e arrin diku është koha e shkurtër e diku mbase është dorëzu”, ka thënë Ymeri në Debat Plus.

Tutje, ai vlerësoi se Kurti e ka ndërruar mendimin edhe për veten si politikan,

“..

Orkestrim votash apo jo, deputeti që deponoi ankesën në Kushtetuese: Gjykata do ta konstatojë

Ish-deputeti i Kuvendit të Kosovës nga radhët e Partisë Liberale Egjiptiane, Veton Berisha, ka komentuar çështjen e deponisë së ankesës në Kushtetuese, lidhur me vendimin për orkestrimin e votave nga Lista Serbe.
Berisha u tregua i matur duke thënë se Gjykata Kushtetuese do të jetë ajo që do ta konstatojë ankesën që derivoi nga vendimi i Supremes, përcjell lajmi.net.

Ai gjithashtu shtoi se vendimi që po e presin ka të bëjë me saktësinë nëse ka pasur orkestrim të votash nga Lista Serbe dhe partitë tjera që kanë bashkëpunuar me të.

“Sa për njoftim të opinionit dhe për shkak se ka kaluar një kohë prej dy vite, me 13 prill bëhen dy vite prej kur e kemi deponuar kërkesën tonë së bashku me ish-deputetin Albert Kinollin për të vërtetuar kushtetutshmërinë për një vendim të dalur nga Gjykata Supreme që doli në atë kohë kur u dha vendimi për orkestrimin e votave.

Ky vendim që na po e presim tani n..

Blinken “selam” Dodik-ut: Je rrugës së Putin-it

Antony Blinken, Sekretar Amerikan i Shtetit, ka ‘goditur’, Millorad Dodidk, president i Republikës Srpska, duke thënë se ky i fundit është në rrugën e Putinit, shkruan Gazeta Metro.

Blinken ka shtuar edhe se, DASH, vazhdon të avokojë për të ardhmen demokratike për të gjithë qytetarët e Bosnjës dhe Hercegovinës.

Këto komente Blinken i ka bërë përmes një postimi në Twitter.

‘‘Sulmet e Milorad Dodik ndaj të drejtave dhe lirive themelore në Republika Srpska tregojnë se ai është në rrugën autoritare të Presidentit Putin. Departamenti amerikan i Shtetit, përfaqësuar nga ambasadori Murphy, vazhdon të avokojë për të ardhmen demokratike dhe të begatë që e meritojnë të gjithë qytetarët e Bosnjës dhe Hercegovinës’’, ka thënë Blinken.

Ky mesazh është i rëndësishëm, pasi vije nga njeriu i dytë më i rëndësishëm në administratën amerikane pas presidentit, dhe iu drejtua drejtpërdrejt Dodikut.

Kujtojmë se Republika Sprapska nën udhëheqjen e Dodik ..

Çeku: “Zajednica” edhe mund të bëhet, por shkon në Kushtetuese dhe bie sërish

Ministri i MKRS-së, Hajrulla Çeku ka deklaruar se “Zajednica” edhe mund të themelohet, por që pastaj shkon në Kushtetuese dhe bie sërish.
Në Pressing ai shtoi se nuk mendon që kemi një model të pastër se si duhet të realizohet ky detyrim nga marrëveshjet paraprake, përcjell lajmi.net.

Në anën tjetër, shtoi se si qeveri kanë disa parime bazë që i ka theksuar edhe kryeministri, ndërsa siç edhe dihet, e para është Kushtetuta.

“Unë nuk mendoj që kemi tashmë një model të kristalizuar se si duhet të realizohet ky detyrim që e kemi pas por që tashmë është pjesë e kësaj marrëveshje si vetmenaxhim për komunitetin serb që jeton në Kosovë.

Ne i kemi disa parime bazë që i ka theksuar kryeministrit. Parimi i parë është: Kushtetuta e Kosovës dhe opinioni i Kushtetutës për marrëveshjen e vitit 2015.

Mund të mos përmendet as Kushtetuta as ai vendim i Kushtetueses që thotë 23 nene nuk janë në përputhje me Kushtetutën, ..

Kreu i OEK-ut, Lulzim Rafuna takohet me përfaqësuesit e Odës Ekonomike të Serbisë

Kryetari i Odës Ekonomike të Kosovës, Lulzim Rafuna, ka marrë pjesë në takimin e radhës të Bordit të Forumit Investiv të Odave (FIO) të Ballkanit Perëndimor, që po mbahet në Shkup.

Në margjina të këtyre takimeve në kryeqendrën e Maqedonisë së Veriut, delegacioni i Odës Ekonomike të Kosovës i kryesuar nga kryetari Rafuna është takuar sot pas dite me përfaqësuesit e Odës Ekonomike të Serbisë për të diskutuar për pengesat që bizneset e Kosovës, si dhe për të kërkuar zgjidhje ashtu që të eliminohen këto pengesa.

Lidhur me këto takime, kryetari Rafuna nuk ka dhënë shumë detaje për KosovaPress, por siç ka theksuar ai, ky takim nuk ka të bëjë asgjë me marrëveshjen e Ohrit, ndërmjet Kosovës dhe Serbisë.

“Kjo nuk ka të bëjë me marrëveshjen e Ohërit. Këto takime janë zhvilluar në kuadër të Bordit të Forumit Investiv të Odave (FIO) të Ballkanit Perëndimor, që është prej Procesit të Berlinit. Tani meqenëse unë e..

Kurti për cakërrimin e gotave me Haradinajn: Mendoj se bëra mirë, aty është shkruar historia

Kryeministri Kurti vijon të thur elozhe për Epopenë e Dukagjinit dhe ish-kryeministrin Haradinaj.
Ai tha se do të ishte e pakuptimtë që të mos cakërronte gotën me raki me të parin e AAK-së, pasi ai është dëshmitar i gjallë i asaj beteje, përcjell lajmi.net.

Ndër tjerash, Kurti e cilësoi si të jashtëzakonshme atë situatë.

“Nëse e ka fjalën për atë dollinë me kryetarin e AAK-së, ajo ishte në 25 vjetorin e Epopesë së Dukagjinit. Pra ishte një situatë e jashtëzakonshme. E aty zoti Haradinaj, që ka qenë edhe pjesëmarrës në luftë, ishte edhe i zoti i shtëpisë. Unë kam mundur edhe të mos shkoj por mendoj e do të ishte gabim. Nëse kam shkuar, atëherë është gabim nëse nuk cakërroj gotat”, tha ai në RTV Dukagjini.

Kujtojmë se Haradinaj, javëve të fundit i ka dalë goxha në mbështetje shefit aktual të ekzekutivit, sidomos në çështjen për planin evropian.

Pesë të lënduar nga një aksident rrugor në Gllarevë të Klinës

Pesë persona raportohet të jenë lënduar nga një aksident në fshatin Gllarevë të Klinës.
Këtë e ka konfirmuar zëdhënësi i Policisë së Kosovës për rajonin e Pejës, Fadil Gashi, përcjell lajmi.net.

Gashi ka pohuar se në aksident kanë qenë të përfshira dy vetura, ndërsa pesë persona kanë pësuar lëndime.

Fillimisht ata janë dërguar për trajtim në Klinë, e më pas edhe në spitalin rajonal të Pejës. Tutje bëhet e ditur se katër prej tyre janë liruar, ndërsa një nga ata po vazhdon trajtimin.

“Rreth orës 18:52, policia ka pranuar informatën se në fshatin Gllarevë ka ndodhur një aksident mes dy veturave. Pesë persona kanë pësuar lëndime trupore. Fillimisht janë dërguar për trajtim në QKMF në Klinë e më pas edhe në spitalin rajonal në Pejë. Katër persona janë liruar në shtëpi, njëri po trajtohet ende”, tha Gashi.