Fondacionet e Shoqërisë së Hapur po transformohen për forcimin e ndikimit të tyre
![Fondacioni Shoqëria e Hapur Maqedoni, FSHHM](https://i2.wp.com/portalb.mk/wp-content/uploads/2022/12/foom-baneri-za-web-14-1024x576-1.webp?fit=1024%2C576&ssl=1)
Fondacioni “Shoqëri e Hapur” njofton se pas 30 viteve ekzistencë dhe punë në Maqedoninë e Veriut, Fondacionet e Shoqërisë së Hapur po ndryshojnë mënyrën e punës në vend si pjesë e transformimit më të gjerë në nivel global, transmeton Portalb.mk.
Nga ky Fondacion thonë se duke filluar nga viti 2021, Fondacionet e Shoqërisë së Hapur janë në proces transformimi gjithëpërfshirës me synimin për fokus më të madh rajonal dhe forcimin e ndikimit të tyre. Ky transformim global përfshin më shumë se 20 fondacione kombëtare në botë.
“Fondacionet e Shoqërisë së Hapur mbeten fuqishëm të përkushtuar ndaj Maqedonisë së Veriut dhe Ballkanit Perëndimor. Që nga viti 1992, Fondacioni Shoqëri e Hapur – Maqedoni ka dhënë mbi 130 milionë dollarë për të mbështetur stabilitetin social dhe ekonomik dhe zhvillimin demokratik të Maqedonisë së Veriut. Me fillimin e punës së fondacionit kombëtar, Greqia dhe Serbia i kishin bllokuar kufijtë e Maqedonisë, po ashtu ishte pyetje nëse vendi do ta ruante pavarësinë e tij”, thuhet në njoftimin e Fondacionit Shoqëria e Hapur.
Fondacioni atëherë iu përgjigj këtyre sfidave duke ofruar mbështetje jetike, duke përfshirë prokurimin e barnave esenciale, lëndën për ngrohje për shkollat dhe ndihmën për eksportin për fermerët. Që atëherë, fondacioni ka ndihmuar në përgatitjet që Maqedonia e Veriut të bëhet anëtare e plotë e Bashkimit Evropian, për zhvillimin e një shoqërie të fortë civile, promovimin e sundimit të ligjit dhe qeverisjes së mirë, fuqizimin e romëve dhe komunitetet e tjera të margjinalizuara, si dhe mbështetjen e reformave në shëndetësi dhe arsim.
F. Xh. Send an email 16:41, 05-12-2022