“Edhe nëse Trump dhe Putin janë miq”, Zelensky del me një kërkesë të qartë për sigurinë e Ukrainës
Presidenti ukrainas, Volodymyr Zelensky, ka deklaruar se Ukraina kërkon garanci afatgjata të sigurisë, të cilat nuk duhet të varen nga marrëdhëniet personale mes presidentit amerikan Donald Trump dhe homologut të tij rus, Vladimir Putin.
Në një postim në X, Zelensky bëri të ditur se çështja e anëtarësimit të Ukrainës në NATO është diskutuar gjatë takimit të vendeve të ashtuquajtura “Koalicioni i Vullnetarëve”.
Sipas tij, aleatët e kuptojnë se anëtarësimi në NATO do të ishte garancia më e qartë dhe më e fuqishme për sigurinë e Ukrainës.
“Aleatët e kuptojnë se garancia më e qartë e sigurisë për Ukrainën është anëtarësimi në NATO. Dhe mënyra më e qartë për ta forcuar NATO-n është pranimi i Ukrainës. Kjo është në interes të të dyja palëve”, deklaroi Zelensky.
The NATO issue was raised at the Coalition of the Willing in Berlin. The Allies understand that the clearest security guarantee for Ukraine is NATO membership. And the clearest way to strengthen NATO is to bring Ukraine in. This works for both sides: Ukraine and NATO.As for NATO Article 5-like security guarantees: Article 5 is about collective defense. For Ukraine, it's not clear yet, because we still don't have a full answer about what this collective would be, how it would defend us, and whether it would be ready to repel the aggressor. But if we have something “Article 5-like,” then there are a lot of questions about this “like.” The answers should not just be words – this has to be on paper.We have to guarantee Ukraine, our citizens first and foremost, and all of Europe that security guarantees for Ukraine will be strong not only for these two years while President Trump is the President of the United States, but beyond that as well. We're fighting to defend our country not just for two years. And we need security guarantees not for two years, but forever. Even if Putin and Trump are friends, as it turned out recently, the idea that Putin might be afraid to do something, to launch another aggression for two years only, does not work for us. That's not a strong peace. That's a two-year pause.From answers to journalists’ questions. (1/3) — Volodymyr Zelenskyy / Володимир Зеленський (@ZelenskyyUa) November 21, 2026
Presidenti ukrainas theksoi se ende nuk është e qartë se si vendi i tij mund të sigurojë garanci të ngjashme me ato të Nenit 5 të NATO-s, i cili parashikon mbrojtjen kolektive të vendeve anëtare.
Megjithatë, ai insistoi se këto garanci duhet të jenë të qëndrueshme dhe të vlejnë edhe pas përfundimit të mandatit presidencial të Donald Trumpit.
“Duhet t'i garantojmë Ukrainës, qytetarëve tanë dhe gjithë Evropës se garancitë e sigurisë do të jenë të forta jo vetëm gjatë këtyre dy viteve sa Trump do të jetë president i SHBA-së, por edhe më pas”, tha ai.
“Ne nuk po luftojmë për ta mbrojtur vendin tonë vetëm për dy vjet. Na duhen garanci sigurie jo për dy vjet, por përgjithmonë”, shtoi Zelensky.
Ai iu referua gjithashtu takimit të fundit mes Trumpit dhe Putinit, duke komentuar marrëdhëniet mes dy liderëve.
“Edhe nëse Putini dhe Trumpi janë miq, ideja se Putini mund të përmbahet nga një agresion i ri vetëm për dy vjet nuk funksionon për ne”, deklaroi presidenti ukrainas.
“Kjo nuk është paqe e qëndrueshme. Është vetëm një pauzë dyvjeçare”, theksoi ai.
Zelensky ritheksoi se Ukraina synon një marrëveshje që garanton sigurinë e saj për një periudhë afatgjatë, duke shmangur mundësinë që Rusia të ndërmarrë një agresion të ri pas një armëpushimi të përkohshëm. /Telegrafi/
