TË FUNDIT

“Ai i ka tejkaluar Lampard, Scholes dhe Gerrard”, Rio Ferdinand vlerëson ndikimin e Bellinghamit te Anglia

Ish-mbrojtësi anglez, Rio Ferdinand, ka pohuar se Jude Bellingham e ka tejkaluar tashmë trashëgiminë e legjendave si Frank Lampard, Paul Scholes dhe Steven Gerrard në ekipin kombëtar të Anglisë.

Duke folur në emisionin e tij Rio Meets , ish-lojtari i Manchester United këmbënguli se asnjë nga këta mesfushorë ikonikë nuk mund të krahasohet me ndikimin që ylli i Real Madridit ka pasur për ekipin kombëtar.

“Jude Bellingham i ka tejkaluar Lampard, Scholes dhe Gerrard për Anglinë. Ata nuk mund t’i flasin Jude-it për atë që ka bërë, e lëre më për Kupën e Botës”, ka thënë fillimisht Ferdinand.

Jude Bellingham has done enough in an England shirt to surpass Scholes, Lampard and Gerrard 🏴󠁧󠁢󠁥󠁮󠁧󠁿 https://t.co/yWPk3RJ9Vo — Rio Ferdinand Presents (@RioMeets) November 17, 2026

Për të mbështetur qëndrimin e tij, ai kujtoi fitoren vendimtare të anglezëve jashtë fushe kundër kampionëve të botës në Spanjë, një arritje që, sipas tij, çimenton superioritetin historik të Bellingham mbi brezin e mëparshëm të artë.

"Anglia hyri në oborrin e Spanjës, kampionët e botës, dhe i mundi ata. Nuk ka shumë gjëra që mund të them për Jude. Ai është shumë i mirë dhe një djalë i ri fantastik. Mënyra se si e prezanton veten dhe sa elokuent është".

Ferdinand theksoi elokuencën e tij dhe mënyrën se si sillet jashtë fushës, duke arritur në përfundimin se nëse diçka i afrohet përsosmërisë në botën e futbollit, Bellingham përfaqëson atë ideal.

“Nëse ka diçka afër përsosmërisë, Jude me siguri duhet të jetë ajo në botën e futbollit”, përfundoi legjenda angleze. /Telegrafi/

Leave a Reply

Your email address will not be published. Required fields are marked *