Serbia pas Vuçiqit: A do të ketë ndryshime të politikës ndaj Kosovës dhe shqiptarëve?
Zgjedhjet parlamentare të 25 tetorit 2026 në Serbi përfaqësojnë një nga kthesat më të rëndësishme politike në historinë e saj bashkëkohore.
Fitorja e Listës Studentore, e cila siguroi 140 nga 250 mandatet parlamentare, kundrejt 103 mandateve të listës së Aleksandar Vuçiqit, shënon një goditje të rëndë ndaj strukturës politike që kishte dominuar vendin për më shumë se një dekadë.
Ky rezultat nuk mund të interpretohet vetëm si një ndërrim i zakonshëm i shumicës parlamentare.
Ai është shprehje e një pakënaqësie të akumuluar shoqërore, e cila gjeti shprehjen e vet politike në mobilizimin studentor dhe në bashkimin e shtresave të ndryshme të shoqërisë serbe.
Ajo që fillimisht dukej si një revoltë universitare, u shndërrua gradualisht në një lëvizje të gjerë qytetare, duke sfiduar jo vetëm qeverinë, por edhe mënyrën e funksionimit të sistemit politik dhe institucional të Serbisë.
Në këtë kuptim, fitorja e Listës Studentore është shumë më tepër sesa një sukses elektoral!
Ajo përfaqëson krizën e legjitimitetit të një modeli qeverisës, i cili për vite me radhë ishte mbështetur në përqendrimin e pushtetit, dominimin mediatik, klientelizmin politik dhe personalizimin e institucioneve rreth një lideri të vetëm.
Megjithatë, pyetja thelbësore nuk është më se si arritën studentët ta mposhtin politikisht Vuçiqin. Kjo tashmë është dëshmuar në kutitë e votimit.
Pyetja është nëse ata do të arrijnë ta transformojnë këtë fitore në një ndryshim të qëndrueshëm të sistemit politik dhe të kulturës demokratike në Serbi.
Shkëndija e kësaj kthese politike ishte tragjedia e 1 nëntorit 2024 në stacionin hekurudhor të Novi Sadit, ku shembja e konstruksionit të strehës shkaktoi vdekjen e 16 personave.
Kjo ngjarje tronditi opinionin publik dhe nxiti një valë protestash, të cilat shumë shpejt tejkaluan kërkesat fillestare për përgjegjësi institucionale dhe drejtësi për viktimat.
Në perceptimin e një pjese të konsiderueshme të shoqërisë, tragjedia u bë simbol i dështimit të kontrollit institucional, mungesës së transparencës, dyshimeve për korrupsion dhe lidhjeve problematike ndërmjet pushtetit politik dhe interesave ekonomike.
Studentët arritën ta artikulojnë këtë pakënaqësi në një gjuhë politike që kapërceu ndarjet tradicionale partiake.
Ata nuk u mbështetën në retorikën klasike të partive politike, por në kërkesat për përgjegjësi, sundim të ligjit, drejtësi dhe funksionim normal të institucioneve.
Ky ishte një ndryshim i rëndësishëm sociologjik!
Lëvizja studentore arriti të bashkojë njerëz me orientime të ndryshme ideologjike, të cilët nuk kishin domosdoshmërisht të njëjtin koncept për të ardhmen e Serbisë, por kishin një pikë të përbashkët: kundërshtimin e modelit ekzistues të qeverisjes.
Kështu, një tragjedi me pasoja të rënda njerëzore u shndërrua në katalizator të një procesi të gjerë të mobilizimit qytetar dhe të ndryshimit politik.
Megjithatë, mobilizimi kundër një pushteti është shumë më i lehtë sesa krijimi i një modeli të ri dhe funksional të qeverisjes.
Pikërisht këtu fillon sprova e vërtetë e lëvizjes studentore!
fitorja elektorale nuk është ende fitore e demokracisë
Një nga gabimet më të mëdha që mund të bëjë shumica e re në Serbi do të ishte barazimi i fitores elektorale me demokratizimin e përfunduar të shtetit.
Historia politike e Evropës Lindore dhe Juglindore dëshmon se ndërrimi i pushtetit nuk nënkupton domosdoshmërisht ndryshimin e mekanizmave të qeverisjes.
Shpesh, elitat e reja politike trashëgojnë institucionet e vjetra, por edhe mënyrën e tyre të funksionimit.
Serbia përballet pikërisht me këtë rrezik!
Lista Studentore ka fituar shumicën parlamentare, por nuk është një parti tradicionale me strukturë të konsoliduar, program të detajuar qeverisës dhe udhëheqje të identifikuar qartë.
Kandidatët e saj përfaqësojnë kryesisht personalitete nga fusha të ndryshme profesionale, ndërsa lëvizja studentore ka ruajtur një strukturë relativisht kolektive të organizimit.
Kjo mund të jetë përparësi, sepse shmang personalizimin e menjëhershëm të lëvizjes rreth një lideri të vetëm.
Por, njëkohësisht, mund të shndërrohet në dobësi nëse mungon një mekanizëm i qartë për marrjen e vendimeve, koordinimin politik dhe përgjegjësinë institucionale.
Një lëvizje që është e suksesshme në organizimin e protestave nuk është domosdoshmërisht e aftë të menaxhojë ekonominë, administratën publike, sistemin e drejtësisë, sigurinë dhe politikën e jashtme.
Qeverisja kërkon profesionalizëm, përvojë, përgjegjësi, kompromis dhe aftësi për të marrë vendime edhe atëherë kur ato nuk janë popullore.
Prandaj, sfida kryesore e shumicës së re nuk është vetëm të largojë njerëzit e sistemit të vjetër nga pozitat e pushtetit, por të ndërtojë institucione që nuk varen nga vullneti i një lideri apo grupi politik.
Demokracia nuk matet vetëm me atë se kush fiton zgjedhjet, por mbi të gjitha me mënyrën se si ushtrohet pushteti pas fitores.
Çmontimi i sistemit të vjetër: sfida më e vështirë!
Sistemi politik i ndërtuar gjatë viteve të qeverisjes së Aleksandar Vuçiqit nuk mund të kuptohet vetëm përmes figurës së tij personale.
Ai është mbështetur në një rrjet të gjerë marrëdhëniesh politike, administrative, ekonomike dhe mediatike, të cilat kanë krijuar një ndërvarësi të fuqishme ndërmjet pushtetit dhe strukturave të ndryshme të shoqërisë.
Për këtë arsye, edhe largimi elektoral i një partie nga shumica parlamentare nuk nënkupton zhdukjen automatike të ndikimit të saj.
Administrata publike, ndërmarrjet shtetërore, institucionet e sigurisë, mekanizmat e prokurimit publik dhe mediat e afërta me pushtetin janë fusha ku do të provohet serioziteti i ndryshimit.
Lista Studentore ka premtuar luftimin e korrupsionit, forcimin e sundimit të ligjit, pavarësinë e institucioneve të drejtësisë dhe reformimin e hapësirës mediatike.
Këto janë objektiva të rëndësishëm, por realizimi i tyre kërkon reforma të thella dhe jo vetëm zëvendësime kadrovike.
Ekziston edhe rreziku i një gabimi tjetër: që lufta kundër korrupsionit të shndërrohet në një fushatë selektive kundër kundërshtarëve politikë.
Nëse kjo ndodh, atëherë sistemi i vjetër nuk do të jetë çmontuar, por vetëm do të ketë ndryshuar përfituesit e tij.
Një shtet demokratik nuk ndërtohet duke zëvendësuar një klientelizëm me një tjetër, por duke vendosur rregulla të barabarta për të gjithë.
Kjo kërkon gjyqësor të pavarur, prokurori profesionale, polici që zbaton ligjin pa urdhra partiakë, media të lira dhe administratë që i shërben qytetarit dhe jo partisë në pushtet.
Në këtë kuptim, Serbia ka përpara një proces të vështirë institucional, i cili mund të zgjasë shumë më tepër sesa entuziazmi fillestar i fitores elektorale.
Bashkimi Evropian, SHBA-ja, Rusia dhe Kina
Ndryshimi i shumicës parlamentare në Serbi nuk është vetëm çështje e politikës së brendshme!
Ai ka rëndësi të veçantë edhe për orientimin ndërkombëtar të vendit dhe për ekuilibrat gjeopolitikë në Ballkanin Perëndimor.
Për vite me radhë, politika e Vuçiqit është karakterizuar nga një diplomaci shumëdrejtimëshe, duke ruajtur njëkohësisht marrëdhënie me Bashkimin Evropian, Shtetet e Bashkuara, Rusinë dhe Kinën.
Kjo politikë i ka mundësuar Beogradit të përfitojë nga marrëdhëniet ekonomike me Perëndimin, ndërkohë që ka ruajtur lidhjet politike, energjetike dhe strategjike me Moskën dhe Pekinin.
Por, një Serbi që synon demokratizim të qëndrueshëm nuk mund t’i shmangë kontradiktat ndërmjet deklarimeve për integrim evropian dhe praktikave të saj të brendshme politike.
Bashkimi Evropian nuk duhet të shihet vetëm si burim investimesh, fondesh dhe përfitimesh ekonomike, por si një projekt politik dhe institucional që kërkon respektimin e demokracisë, të drejtave të njeriut, pavarësisë së drejtësisë dhe sundimit të ligjit.
Raportet me Brukselin do të jenë një nga sprovat e para të shumicës së re. Por edhe qëndrimi ndaj Rusisë, varësia energjetike dhe politika e neutralitetit ushtarak do të përcaktojnë kufijtë e orientimit të saj ndërkombëtar.
Këtu do të provohet nëse integrimi evropian do të jetë prioritet real strategjik apo vetëm një formulë diplomatike.
Një Serbi më demokratike, më transparente dhe më e orientuar drejt standardeve evropiane do të mund të kontribuonte në uljen e tensioneve rajonale.
Por kjo nuk do të ndodhë automatikisht vetëm për shkak të ndryshimit të shumicës parlamentare!
A do të ndryshojë politika serbe ndaj shqiptarëve?
Për shqiptarët, veçanërisht për Kosovën dhe Luginën e Preshevës, ndryshimi politik në Serbi ka rëndësi të veçantë.
Megjithatë, nuk duhet krijuar iluzioni se fitorja e një lëvizjeje të re politike në Serbi do të sjellë vetvetiu ndryshim rrënjësor të qëndrimit të saj ndaj Kosovës.
Një ndër çështjet më të ndërlikuara mbetet pikërisht raporti ndërmjet demokratizimit të brendshëm të Serbisë dhe politikës së saj ndaj Kosovës.
Qëndrimet publike dhe programi politik i Listës Studentore dëshmojnë se ajo nuk ka bërë shkëputje nga pozicioni tradicional nacionalist serb për statusin e Kosovës.
Përkundrazi, në dokumentet dhe deklarimet e saj, Kosova vazhdon të trajtohet si pjesë përbërëse e Serbisë!
Kjo është një dëshmi se ndryshimi i gjeneratës politike nuk nënkupton automatikisht ndryshim të politikës kombëtare dhe shtetërore ndaj Kosovës.
Për shqiptarët, testi i vërtetë i demokratizimit të Serbisë do të jetë respektimi i realiteteve politike dhe juridike në rajon, përfshirë pavarësinë e Kosovës, si dhe trajtimi i pakicave kombëtare, respektimi i të drejtave politike dhe kolektive dhe zbatimi i marrëveshjeve ndërkombëtare.
Kjo është veçanërisht e rëndësishme për shqiptarët në Preshevë, Bujanoc dhe Medvegjë.
Një Serbi demokratike nuk mund të ndërtohet duke respektuar standardet evropiane vetëm për qytetarët e shumicës, ndërsa pakicat kombëtare vazhdojnë të përballen me diskriminim, pasivizim të adresave, mungesë të përfaqësimit proporcional dhe pengesa në përdorimin e gjuhës e simboleve kombëtare.
Prandaj, shqiptarët nuk duhet të mjaftohen me faktin se në Serbi ka ndodhur një ndryshim politik.
Ata duhet të kërkojnë që ky ndryshim të përkthehet në përmirësim konkret të pozitës së tyre juridike, politike, ekonomike dhe institucionale.
Një Serbi demokratike duhet të dëshmohet edhe në Preshevë, Bujanoc dhe Medvegjë.
A do të jetë kjo një kthesë historike apo vetëm një episod i përkohshëm?
Çdo ndryshim i madh politik bart me vete pritshmëri të mëdha, por edhe rreziqe të konsiderueshme!
Fitorja e Listës Studentore ka krijuar një mundësi të re për Serbinë, por njëkohësisht ka ngritur pritshmëri që mund të jenë të vështira për t’u përmbushur.
Një pjesë e elektoratit ka votuar për studentët jo domosdoshmërisht për shkak të një programi të qartë ekonomik apo ideologjik, por për shkak të dëshirës për t’i dhënë fund mënyrës së deriatëhershme të qeverisjes.
Ky është një mandat politik për ndryshim, por jo një çek i bardhë për qeverisje.
Shumica e re duhet të dëshmojë se është në gjendje të menaxhojë kontradiktat e brendshme, të ruajë unitetin politik dhe të krijojë një ekip qeverisës profesional.
Ajo do të përballet edhe me një opozitë të fuqishme politike, e cila, pavarësisht humbjes, vazhdon të ketë një bazë të konsiderueshme elektorale dhe përvojë shumëvjeçare në administrimin e shtetit.
Aleksandar Vuçiqi nuk është zhdukur nga skena politike serbe!
Humbja elektorale e ka dobësuar pozitën e tij, por ndikimi i tij politik dhe i strukturave që ai ka ndërtuar nuk mund të konsiderohet i përfunduar!
Në këtë situatë, rreziku kryesor për shumicën e re do të jetë mospërputhja ndërmjet pritshmërive të qytetarëve dhe kapaciteteve reale të qeverisjes.
Nëse rezultatet e para nuk janë të dukshme, zhgënjimi mund të jetë po aq i shpejtë sa entuziazmi që e shoqëroi fitoren.
Prandaj, suksesi i kësaj kthese politike do të varet nga aftësia për ta shndërruar energjinë protestuese në institucione funksionale dhe përgjegjësi shtetërore.
Zhvillimet e fundit në Serbi kanë dëshmuar se edhe një sistem politik që duket i konsoliduar dhe i pathyeshëm mund të përballet me një krizë të thellë legjitimiteti, kur humbet besimin e qytetarëve dhe kur institucionet nuk arrijnë të përmbushin funksionin e tyre themelor.
Fitorja e Listës Studentore është një moment i rëndësishëm në historinë politike të Serbisë, por ajo nuk duhet romantizuar dhe as interpretuar si dëshmi se demokratizimi tashmë është realizuar.
Studentët dhe mbështetësit e tyre e kanë fituar betejën për ndryshimin e shumicës parlamentare.
Tani duhet ta fitojnë betejën shumë më të vështirë për ndryshimin e institucioneve, të kulturës politike dhe të marrëdhënieve ndërmjet shtetit dhe shoqërisë.
Përvoja historike e vendeve të Evropës Lindore dhe Juglindore dëshmon se rrëzimi i një pushteti autoritar nuk e eliminon automatikisht autoritarizmin!
Ai mund të mbijetojë në administratë, në sistemin e drejtësisë, në mediat e kontrolluara, në strukturat ekonomike dhe në mentalitetin politik të elitave të reja.
Prandaj, Serbia gjendet përpara një prove historike: ose do ta shfrytëzojë këtë moment për të ndërtuar një rend demokratik, institucional dhe evropian, ose do të mbetet peng i një cikli të ri të rivalitetit ndërmjet elitave politike, ku ndryshojnë emrat dhe fytyrat, por jo mekanizmat e pushtetit.
Për Kosovën dhe shqiptarët e Luginës së Preshevës, ky zhvillim duhet të ndiqet me realizëm politik, vëmendje diplomatike dhe pritshmëri të matura.
Një Serbi më demokratike do të ishte në interes të paqes dhe stabilitetit rajonal, por kjo duhet të dëshmohet përmes respektimit të sovranitetit të Kosovës, të drejtave të shqiptarëve dhe marrëdhënieve të barabarta ndërmjet popujve.
Në fund të fundit, rëndësia historike e kësaj fitoreje nuk do të matet vetëm me numrin e mandateve parlamentare dhe as me largimin e një lideri nga pushteti, por me atë se çfarë shteti do të ndërtohet pas tij.
Sepse rrëzimi i një pushteti realisht është vetëm fillimi i ndryshimit politik!
Sot është caktuar mbajtja e seancës konstituive të legjislaturës së re të Parlamentit të Serbisë. Në zgjedhjet e parakohshme parlamentare, të mbajtura më 25 tetor 2026, Lista Studentore në Serbi arriti të sigurojë 53,01%…
Letër publike drejtuar Komisioneres për Zgjerim të BE-së, Marta Kos E nderuar zonja Kos, Në mbrëmjen hapëse të edicionit të dytë të Forumit të Zgjerimit të Bashkimit Europian në Bruksel, më 15 nëntor 2026, në…
Korrupsioni është ryshfeti i paligjshëm i zyrtarëve me para, mallra ose shërbime me qëllim fitimin e një avantazhi.Korrupsioni (fjalë për fjalë: prishje) përdor mjete të tilla si mashtrimi, ryshfetet, kërcënimet, zhvatja,…
Qeveria e Kosovës vendosi të hënën të ndalojë blerjen, shitjen, importin dhe eksportin e energjisë elektrike me ndërmarrjet që kanë seli, kompani amë ose pronarë të lidhur me Serbinë. Vendimi është përgjigje ndaj…
Interpretimi i këngës nacionaliste serbe “Oj Kosovo, Kosovo” në hapjen e Forumit të Zgjerimit të BE-së në Bruksel i tejkalon kufijtë e një skandali kulturor, duke treguar se kjo është një çështje politike dhe e…
Më 15 nëntor 2026, në Bruksel, gjatë mbrëmjes hapëse të Forumit të Zgjerimit të Bashkimit Evropian, interpretimi instrumental i këngës “Oj Kosovo, Kosovo” krijoi një kundërthënie ndërmjet mesazhit të…
Kuvendi i ri i Serbisë konstituohet të martën, më 17 nëntor, në orën 10:00, dhe për herë të parë pas 14 vjetësh shumicën nuk e ka kampi i Aleksandar Vuçiqit. Lista Studentore hyn në sallë me 140 nga 250 deputetë…
A mund të quhet promovim i bashkimit të kulturave evropiane një koncert ku interpretohet melodia e një kënge serbe që Kosovën e paraqet si pjesë të Serbisë dhe përcjell mesazhe nacionaliste e pretendime territoriale ndaj shtetit të…
Kjo për shkak të situatës së përgjithshme delikate politike, diplomatike dhe të sigurisë në botë, Brukseli duhet të shqyrtojë mundësinë e një iniciative të veçantë politike për shtetet kandidate për…
Interpretimi i këngës nacionaliste serbe “Oj Kosovo, Kosovo” në koncertin hapës të Forumit të Zgjerimit të Bashkimit Evropian në Bruksel, më 15 nëntor 2026, shkaktoi reagime të fuqishme politike dhe diplomatike nga…
Edi Rama u doli borxhit shqiptarëve edhe me librin e tij "Kurbani", 2011…! Përveç me Gërdecin, më 15 mars 2008 dhe me 21 janarin 2011, mund të mendohet dhe llogaritet se Edi Rama i paralajmëroi shqiptarët për çka…
Koalicioni Shqiptar fitoi dy ulëse në Kuvendin e Serbisë. Bashkimi i tetë subjekteve politike dëshmoi se bashkërendimi është i domosdoshëm për përfaqësimin politik të shqiptarëve, por rezultati mbeti nën synimin prej tri…
Në koncertin hapës të Forumit të Zgjerimit të BE-së në Bruksel, të organizuar nga Komisioni Evropian nën drejtimin e komisioneres Marta Kos, u interpretua kënga nacionaliste serbe “Oj Kosovo, Kosovo”, nuk është vetëm…
Heshtja diplomatike nuk është neutralitet Në marrëdhëniet ndërkombëtare, shtetet nuk maten vetëm me atë që deklarojnë, por edhe me atë që bëjnë, me kohën kur reagojnë dhe me aftësinë për t’i…
Brenda një dite, fituesit e zgjedhjeve në Serbi trokitën në dy dyer që nuk shkojnë bashkë. Përfaqësuesit e Listës Studentore u takuan në Beograd me ndihmëssekretarin amerikan të Shtetit, Brendan Hanrahan, dhe me ambasadorin rus,…
Në asamblenë e PS kryeministri foli shumë për atë që në raportin e Komisionit Europian përmendet si Traktati i Anltarësimit. Ky togfjalësh përdoret për herë të parë. Dhe këtë përmendje Rama e shiti dje si…
Debati ka vdekur. Dhe kjo nuk është thjesht një shprehje metaforike, por një nga simptomat më shqetësuese të krizës së mendimit kritik në shoqërinë tonë. Dikur, debati ishte hapësira ku përplaseshin idetë, ku…
Situata e krijuar në Universitetin e Shkencave të Aplikuara në Ferizaj (UShAF), me dy ushtrues detyre të rektorit, është një zhvillim që tejkalon një mosmarrëveshje të zakonshme administrative. Kjo ngre shqetësime serioze për…
1. SHQIPËRIA: NGA PROTESTA Për të kuptuar epilogun e protestave në Shqipëri dhe Kosovë, duhet të analizojmë jo vetëm pakënaqësinë qytetare, por edhe raportet ndërmjet pushtetit, opozitës, shoqërisë civile,…
Të martën, më 17 nëntor, në orën 10:00, Dhomat e Specializuara të Kosovës në Hagë shpallin aktgjykimin e dytë ndaj ish-presidentit Hashim Thaçi brenda dy muajsh. Këtë herë gjykohet ajo që prokuroria thotë se…
Një shqetësim dhe brengë e jona e përbashkët, që duhet të na mundojë të gjithëve, si komb dhe si shoqëri në përgjithësi! Të gjitha eksodet dhe shpërnguljet, në të gjitha kohërat dhe etapat historike,…
Ligji i imponuar për Gjykatën Speciale të Kosovës në Hagë është kthyer mbrapsht nga ana e presidentes Shiroka-Pula për t’u rishqyrtuar në Kuvend. Prej disa ditësh grupet parlamentare diskutojnë, por nuk merren vesh për…
Në traditën dhe kulturën shqiptare, mikpritja dhe mirënjohja nuk kanë qenë kurrë thjesht zakone kalimtare, por shtylla të shenjta mbi të cilat është ndërtuar vetë qenia jonë kombëtare. Historia na ka mësuar se një…
Që në fillim më duhet ta sqaroj se, për mua si sociolog, dokumenti ku evidentohet qëndrimi i opozitës serbe ndaj Kosovës nuk mund të ndëlidhet vetëm me shpresën si synim e ambicie se ata do të jenë më liberalë, por edhe me…
Krahina e Preshevës, Medvegjës dhe Bujanocit, në funksion të artikulimit të një platforme të përbashkët politike, duhet domosdoshmërisht të dëshmojë unitet, harmonizim të qëndrimeve dhe konsensus politik ndërmjet…
Kryeministri Edi Rama u kërkoi të shtunën socialistëve, në Asamblenë Kombëtare në Gjirin e Lalzit, të votonin përjashtimin nga partia të Elisa Spiropalit, ish-kryetares së Kuvendit dhe ish-ministres së Jashtme, si dhe të Plarent…
Sigurisht, po i ndjek me shqetësim të shtuar revoltat studentore, në fakt zemërimin e mbarë-shqiptarëve kundër elitës së Tiranës, në fakt sekt-zullumqarësh, që në 35 vite, privatizuan politikën, përmorën…
I. Rinia në shesh, intelektualët në dilemë dhe përgjegjësia morale e një kombi. Ka çaste në historinë e një kombi kur vlera e individit nuk matet më me titujt që mban, diplomat që zotëron, postet që ka ushtruar apo…
Kraja vazhdon të jetojë përmes traditës kulturës dhe bashkimit të shqiptarëve .Andaj mos thoni se Kraja po braktiset, po vetmohet apo po harrohet! Dita e sotme dëshmoi të kundërtën. Rruga kryesore e saj ishte mbushur me vizitorë…
Zhvillimet e fundit politike në Shqipëri dhe Kosovë po dëshmojnë intensifikimin e një konkurrence shumëdimensionale ndërmjet dy kryeministrave, Edi Ramës dhe Albin Kurtit, e cila, përtej marrëdhënieve ndërpersonale dhe dallimeve…
Profili i personalitetit të zgjedhur nga populli, me emrin deputet, ka një domethënie shumëdimensionale për një shoqëri demokratike dhe të avancuar. Dikur, deputeti zgjidhej me votën e popullit nga regjioni i caktuar, ku qytetarët, në…
Shqipëria sot ndodhet në udhëkryq. Sovraniteti i saj është i kërcënuar nga regjimi i korrupsionit, vjedhjes dhe tradhtisë. Shqipëria sot është kapur dhe është marrë peng nga politika dhe oligarkia. Realiteti vërteton se…
Ishte kohë burrash të mëdhenj në muajin e Shenjtë të nëntorit; dritëdhënës vizionarë dhe trima atdhetarë, të frymëzuar nga shpirti i pavdekshëm i GJERGJ KASTRIOTIT, Simbolit tonë Hyjnor. Sot, 118 vite më…
Pas gati 12 orësh punë, seanca e Kuvendit të Kosovës u ndërpre të premten mbrëma për mungesë kuorumi. Në sallë kishin mbetur vetëm 38 deputetë, dhe ligji që ngushton mandatin e Gjykatës Speciale mbeti pa u votuar për…
Përkthim, përshtatje dhe riformulim i materialit Evropa po përballet me një dilemë gjithnjë e më serioze të sigurisë: si ta forcojë aftësinë ushtarake për të parandaluar agresionin rus, pa rrezikuar që një konflikt…
Qeveria e RMV-së përveç futjes së bullgarëve në kushtetutën e saj duhet të bëjë edhe disa korrigjime kushtetuese për t'u baraspeshuara me emrin e shtetit të saj RMV: – Nëse shqiptarët janë 20 %, në…
Në historinë e popujve të Europës, pak kombe kanë kaluar nëpër udhëkryqe aq të trazuara historike e fetare sa kombi shqiptar. E megjithatë, përballë perandorive që synonin ta tjetërsonin dhe ta përçanin nga brenda,…
Më shumë se tri dekada pas rënies së Murit të Berlinit, duket se telefoni i kuq ende nuk ia ka lëshuar vendin telefonit të kaltër. Kjo është metafora që shpreh një paradoks të madh të kohës sonë. demokracia u shpall…
Centralizimi politik përcakton se cili nivel i qeverisjes mban autoritetin përfundimtar. Kuptimi i tij kërkon vëmendje ndaj pushteteve, autonomisë territoriale dhe kontrollit të pushtetit. Kur një vendim publik prek një vend të tërë, kush e ka…
Dhuna seksuale e përdorur sistematikisht gjatë luftës në Ksovë mbetet një nga kapitujt më të errët të historisë moderne europiane. Mijëra gra dhe vajza përpara se të detyroheshin të linin vatrat e tyre gjatë…
Në politikën ndërkombëtare, paraqitja publike e një kryeministri në konferenca prestigjioze, forume ekonomike, panaire, samite dhe tubime ndërkombëtare është pjesë e rëndësishme e diplomacisë…
Kuvendi i Kosovës pritet të vendosë sot nëse do ta rimiratojë pa asnjë ndryshim ligjin që ngushton mandatin e Gjykatës Speciale. Është i njëjti ligj që presidentja Justina Shiroka-Pula ua ktheu deputetëve me kërkesë të…
Kuvendi i Kosovës pritet të votojë sot, si pikë të fundit të seancës që vazhdon nga ora 11:00, për rikonfirmimin e Ligjit për Dhomat e Specializuara pikërisht në formën që e miratoi më 6 tetor. Kërkesën e bëri…
Shkupi po grumbullon kriza për nesër. Maqedonia e Veriut po hyn në një periudhë të ndjeshme politike, ku deklaratat, përplasjet dhe vendimet e papërgjegjshme mund të prodhojnë pasoja shumë më të mëdha sesa interesat e…
Rasti i Alta Bankës, i nisur si krizë bankare në Beograd pas ndërrimit të pushtetit në Serbi, është kthyer në Maqedoninë e Veriut në përplasjen më të ashpër të kësaj vjeshte mes dy partive kryesore shqiptare….
Ndryshimet klimatike nuk janë më një kërcënim i largët, një parashikim teorik apo një shqetësim që u përket vetëm studiuesve të atmosferës dhe ekologjisë. Ato janë shndërruar në një realitet që prek…
Politikani republikan me origjinë shqiptare, Joe Hoxha, ka fituar mandatin e tretë në Dhomën e Përfaqësuesve të shtetit të Connecticut-it, në zgjedhjet e mesmandatit të mbajtura javën e kaluar në Shtetet e Bashkuara të Amerikës….
Me shqetësim të thellë, zhgënjim dhe dhimbje…
Protestat qytetare në Shqipëri e Kosovë dhe sfida e legjitimitetit demokratik
Thaçi para aktgjykimit të dytë: çfarë vendoset të martën në Hagë
Një universitet, dy rektorë!
Serbia pas Vuçiqit: A do të ketë ndryshime të politikës ndaj Kosovës dhe shqiptarëve?
Asgjë e papritur e “pa dashje” nga Marta Kos…!
Lista Studentore në Serbi – frymë e re apo vazhdimësi e së vjetrës
Zonja Marta Kos, mos u bëni pjesë e problemit anti-Kosovë!
Aksident mes tri veturave në Prishtinë, ka të lënduar
Arrestohet 20 vjeçari në Kaçanik, kishte urdhëresë gjyqësore
24 orët e së shtunës: Dy të vdekur nga aksidentet, 32 të lënduar
I shkon te shtëpia dhe e kanos babain e saj, arrestohet shtetasi maqedonas në Podujevë
“Mbi 100 të pushkatuar…”, si u shtyp kryengritja antikomuniste në Malësi të Madhe, më 25 janar 1945! Fati tragjik i krerëve të lëvizjes
Arrestimi i intelektuales disidente, si u persekutua Musine Kokalari! Pas gjashtë muajsh hetuesie, e nxorën në gjyq! Aktakuza e prokuror Nevzat Haznedari
10 kuriozitete që nuk i dini për Groenlandën
Shkencëtarët identifikojnë ADN-në më të vjetër njerëzore
Sot mbushen 3 vite kur u nda përgjithmonë nga familja dhe farefisi më i dashuri ynë. Në këtë ditë të…
…n’ Maje, atje ku Qielli i thot’ Tokës: Frikë mos ki, Unë jam me Ty! Ka qet’si, rrjetat nuk…
Edhe sot, pas 14 vitesh, më mungon zëri yt, këshillat e tua dhe prania jote. Thonë se koha i shëron plagët, por mungesa…
Më mungoni në çdo hap të jetës. Dashuria, mirësia dhe kujtimi për ju nuk do të shuhen kurrë. U…
Keisi ka tërhequr vëmendjen me paraqitjen e saj në mbrëmjen e kaluar, të organizuar me temën “Celebrating Love…
Ylli i muzikës dhe aktrimit, Jennifer Lopez, ka tërhequr vëmendjen me një paraqitje tejet provokuese dhe elegante. Artistja…
