Bëhet i ditur vendi dhe ora e varrimit të Xhevat Prekazit

Ish futbollisti Xhevat Prekazi do të varroset të enjten, më 12 nëntor, në orën 13:00, në Varrezat Qendrore të Beogradit, në komunën e Vozhdovacit.

Pas ceremonisë përkujtimore të mbajtur të mërkurën në mëngjes në stadiumin e Partizanit, në rrugën Humska, ku familjarët, miqtë, drejtuesit e Partizanit të Beogradit dhe delegacioni i Galatasarayt i dhanë lamtumirën me lot në sy Xhevat Prekazit, tashmë janë bërë të ditura edhe detajet zyrtare të varrimit të tij.

Prekazi ndërroi jetë papritur më 8 nëntor, në moshën 69-vjeçare, si pasojë e problemeve me zemrën.

Ai kujtohet në Serbi si një nga futbollistët më të talentuar të gjeneratës së tij, i cili la gjurmë të pashlyeshme te Partizani dhe Galatasaray.

Në mbledhjen përkujtimore në Beograd, në fotografi shihet edhe vëllai i tij, Luan Prekazi, i cili mori pjesë në nderim të kujtimit të Xhevat Prekazit.