Nis asfaltimi i rrugës “Sokoli” në fshatin Plemetin të Obiliqit

Ka nisur asfaltimi i segmentit të parë të rrugës “Sokoli” në fshatin Plemetin të Komunës së Obiliqit.

Punimet në këtë projekt janë vizituar nga nënkryetari i Komunës së Obiliqit, Berat Gashi, drejtori i Infrastrukturës, Naim Shalaku, dhe asamblistja Mervete Shala.

Sipas njoftimit të Komunës, para fillimit të asfaltimit janë përfunduar punimet në rrjetin e kanalizimit dhe përgatitjet e nevojshme të infrastrukturës rrugore.

Komuna e Obiliqit ka bërë të ditur se përmes realizimit të projekteve të tilla synon përmirësimin e qarkullimit, lehtësimin e lëvizjes dhe krijimin e kushteve më të mira të jetesës për banorët. / Telegrafi /