NPL “Kastrioti” vazhdon mirëmbajtjen dhe pastrimin e hapësirave publike

NPL “Kastrioti” ka njoftuar se punëtorët operativë kanë nisur javën me angazhime në terren për pastrimin dhe mirëmbajtjen e hapësirave publike.

Sipas njoftimit, ekipet kujdesen për pastrimin e rrugëve, trotuareve, parqeve, shesheve dhe hapësirave të tjera publike, si dhe për mbledhjen e mbeturinave dhe largimin e papastërtive.

Po ashtu, punëtorët angazhohen në mirëmbajtjen e hapësirave të gjelbra, me qëllim që ambientet publike të jenë të pastra dhe të rregullta.

Nga NPL “Kastrioti” kanë theksuar rëndësinë e angazhimit të vazhdueshëm të ekipeve operative për mirëmbajtjen e ambientit dhe krijimin e kushteve më të mira për qytetarët. /Telegrafi/