Kryeministri Kurti konfirmon takimin e radhës të nivelit të lartë me Vuçiqin, mbahet në prill

Kryeministri Kurti konfirmon takimin e radhës të nivelit të lartë me Vuçiqin, mbahet në prill

Shefi i ekzekutivit kosovar, Albin Kurti ka konfirmuar se takimi i radhës me Vuçiqin do të mbahet në prill.

Këto deklarime i bëri në Debat Plus, duke shtuar se fillimisht do të mbahet një takim mes kryenegociatorësh, përcjell lajmi.net.

“Ne do të takohemi në prill, fillimisht kryenegociatorët do të takohen e më pas niveli i lartë. Aty do të flasim për zbatimin e marrëveshjes”, tha ndër tjerash Kurti.

Kryeministri i Republikës së Kosovës refuzoi të flasë edhe për të kaluarën e tij, duke shtuar se nuk është makinë kohore.

“Si kryeministër i Kosovës, kam trashëguar disa marrëveshje, që mua më duhet të nxjerr më të mirën e mundshme. Por, mos më kërkoni të flasë për të kaluarën. Për vitin 2010. Ose për 2005. Çka është ky obsesion? Nuk jam makinë kohore unë. Mos më ktheni vite pas”, pohoi ai.