Nga këpucët e vjetra te një kontratë milionëshe, Olise pranë marrëveshjes me Jordan

Michael Olise mund të bëhet futbollisti i parë në botë që përfaqëson zyrtarisht markën Jordan. Sulmuesi anësor i Bayern Munichut raportohet se është pranë arritjes së një marrëveshjeje të rëndësishme sponsorizimi me kompaninë e njohur të veshjeve sportive.

Francezi 24-vjeçar është lidhur më herët me një kontratë të madhe me gjigantin amerikan Nike. Tashmë, sipas raportimeve, në marrëveshje mund të përfshihet edhe filiali i saj Jordan, duke e bërë Olisen imazhin e një bashkëpunimi të veçantë.

Sipas mediumit të specializuar Footy Headlines , Olise pritet ta përfaqësojë logon ikonike Jumpman si brenda, ashtu edhe jashtë fushës. Një nga arsyet kryesore për këtë bashkëpunim thuhet se është preferenca e tij për një model të veçantë të këpucëve të futbollit.

Michael Olise to Become a Jordan Brand Ambassador ‼️🏀 Beyond his headline agreement with Nike, multiple sources report that Michael Olise is set to serve as the flagship football ambassador for Jordan Brand. The move would make the French playmaker the very first footballer to sign a direct partnership under the label bearing basketball icon Michael Jordan's name.🇫🇷👟 On top of spearheading the revived Hypervenom boot silo, Olise’s landmark Jordan deal is expected to yield exclusive, limited-edition Hypervenom boots where the traditional Swoosh is replaced by the iconic Jumpman – reminiscent of the historic Neymar Jr. x Jordan Hypervenom Phantom II crossover back in 2016.👀 The partnership is also poised to expand seamlessly off the pitch, with signature lifestyle capsules and bespoke sneakers in the works, following his frequent appearances stepping out in grails like the Travis Scott x Air Jordan 1 Low and the classic Air Jordan 4. — What The Kit (@whatthekit_x) October 22, 2026

Derisa shumë futbollistë të nivelit të lartë përdorin modelet më të reja të këpucëve sportive, Olise vazhdon të preferojë Nike Hypervenom Phantom III, një model që nuk prodhohet më që nga viti 2018.

Raportohet se francezi ka shkuar deri aty sa t’i personalizojë palët e vjetra të këtyre këpucëve për ndeshje të rëndësishme, përfshirë takimet e Ligës së Kampionëve dhe ndeshjet e Kupës së Botës.

Marrëveshja e mundshme mund të përkojë edhe me planet e raportuara të Nike për rikthimin e linjës Hypervenom. Kompania thuhet se po përgatitet ta tërheqë gradualisht linjën aktuale Phantom deri në vitin 2027, për ta rikthyer Hypervenom si një nga koleksionet e saj kryesore.

Në këtë rast, Olise mund të bëhet imazhi i rikthimit të këpucëve Hypervenom dhe njëkohësisht i bashkëpunimit me markën Jordan. Sipas raportimeve, ylli i Bayern Munichut mund të përfitojë një shumë prej dhjetëra milionë eurosh, megjithëse marrëveshja ende nuk është konfirmuar zyrtarisht.

Që nga transferimi te Bayern Munichu, Olise është shndërruar në një prej futbollistëve më të spikatur të skuadrës gjermane. Stili i tij i veçantë i lojës dhe besnikëria ndaj modelit Hypervenom Phantom III mund t’i hapin rrugën një kapitulli të ri në historinë e sponsorizimeve sportive. / Telegrafi/