Protesta edhe në Belgjikë, protestuesit edhe atje u përplasën me policinë

Të shtunën, protestuesit në Bruksel dhe Liezh u përplasën me policinë, ndërsa një sërë tubimesh në pjesë të ndryshme të Evropës u shndërruan në dhunë.

Sipas mediave të huaja, përcjell Telegrafi, atje janë parë policia duke përdorur topa uji dhe gaz lotsjellës për të shpërndarë njerëzit që merrnin pjesë në protestat kundër rritjes së kostos së jetesës në kryeqytet.

Në Bruksel, policia përdori gaz lotsjellës ndaj të rinjve që gjuanin shishe dhe objekte të tjera në zonën e Bursës (Bourse), bëri të ditur një gazetar i agjencisë së lajmeve AFP; ndërkohë, raportohet se edhe në qytetin lindor të Liezhit u përdorën topa uji kundër grupeve më të vogla të demonstruesve.

Ministri belg i Brendshëm, Bernard Quintin, deklaroi të shtunën se situata "nuk është më thjesht një protestë".

Ook in Brussel weer raak vandaag. Linkse agitatoren die de invasieve inteeltbrigade aansturen en de stad op stelten zetten. https://t.co/IH1C2xPnEm — Sebastian Kruis (@SebastianKruis) October 17, 2026

"Është dhunë e pastër, e organizuar dhe e përsëritur, me qëllim destabilizimin e shoqërisë sonë", shkroi ai në një postim në rrjetet sociale, duke shtuar se "do të merren të gjitha masat e nevojshme për të rivendosur rendin përballë trazirave".

Në javët e fundit, nxënës të shkollave të mesme në Belgjikë kanë protestuar kundër rritjes së kostove të arsimit, duke iu bashkuar studentëve në Francë, të cilët kanë protestuar kundër mungesës së mësuesve, kushteve të këqija në institucione dhe klasave të mbipopulluara.

Kjo ndodh në një kohë kur protestat masive në Paris u shndërruan në skena kaosi gjatë fundjavës. / Telegrafi /