VV mund të shkojë në mbi 60 deputetë nëse diaspora voton me shumicë dhe AAK e Nisma nuk e kalojnë pragun

Matematika interesante ndodhin me 28 dhejtor nëse diaspora vjen në Kosovë me shumicë të votojë me 28 dhjetor. Koskva ine i ka bërë kalkulimet duke u bazuar në shifrën prej të paktën 200 mijë personave shtesë që viejnë mga diaspora.

Aty, kufiri i epërm i votave për Vetëvendosjen është llogaritur në 80 për qind, aq sa mori me 2021 dhe ai i ulëti me 65 për qind, aq sa janë deklaur që do të votinin pro në zgjedhjet e fundit.

Duke u nisur nga supozimi se në zgjedhjet e vitit 2025 Vetëvendosje ka marrë rreth 400 mijë vota, që përfaqësojnë afërsisht 42.5% të të gjitha votave, del se totali i votave në vend ka qenë rreth 941 mijë. Me këtë rezultat prej 42.5%, VV siguron 48 deputetë në Kuvend (nga 120 gjithsej).

Tash e marrim një skenar ku në proces futen edhe 200 mijë vota shtesë nga diaspora. Nëse këto 200 mijë i shtohen totalit, totali i votave ngjitet në rreth 1.141 milion. Në kufirin e sipërm, pra nëse VV arrin t’i marrë 80% të votave të diasporës, atëherë nga 200 mijë vota i shkojnë 160 mijë. Në këtë rast, Vetëvendosje do të shkonte nga 400 mijë në 560 mijë vota gjithsej. Kjo e ngjit përqindjen e saj nga 42.5% në rreth 49.1% të të gjitha votave. Me një përkthim proporcional të thjeshtë në mandate, një rritje e tillë nga 42.5% në rreth 49% do ta çonte VV-në nga 48 deputetë në afërsisht 55–56 deputetë.

Në kufirin e poshtëm të skenarit me diasporën, pra nëse Vetëvendosje arrin të marrë “vetëm” 65% të 200 mijë votave të diasporës, asaj do t’i takonin rreth 130 mijë vota shtesë. Në këtë rast, VV do të ngjitej nga 400 mijë në 530 mijë vota, ndërsa përqindja e saj në nivel vendi do të shkonte nga 42.5% në rreth 46.4%. Sërish, në përkthim proporcional në ulëse, kjo rritje nga 42.5% në rreth 46.4% do ta ngrinte Vetëvendosjen nga 48 në diku rreth 52–53 deputetë.

Pastaj vjen skenari politikisht më dramatik: ai ku AAK–Nisma, që aktualisht përfaqësohen me 8 deputetë, nuk e kalojnë fare pragun elektoral. Këta 8 deputetë përfaqësojnë afërsisht 6.7% të mandateve (8 nga 120), pra praktikisht edhe rreth 6–7% të votave kombëtare. Nëse ata bien nën prag, votat e tyre rishpërndahen te partitë tjera që e kalojnë pragun, dhe përqindjet e partive të mbetura “normalizohen” mbi një total më të vogël efektiv.

Në skenarin ku VV ka 46.4% pas shtimit të diasporës (65% e votave të diasporës për VV), kur hiqen nga ekuacioni rreth 6.7% të votave të AAK–Nismës, përqindja e Vetëvendosjes rritet efektivisht në gati 49.8%. E përkthyer në mandate, kjo përqindje do t’i sillte Vetëvendosjes rreth 60 deputetë. Ndërsa në skenarin më të fortë, ku VV me diasporën arrin rreth 49.1% të votave (80% të votave të diasporës për VV), heqja nga loja e AAK–Nismës e ngre përqindjen efektive të Vetëvendosjes në rreth 52.6%. Në një sistem proporcional me 120 ulëse, kjo përkthyer do të thotë rreth 63 deputetë për Vetëvendosjen.

Pra, nëse e lidhim krejt në një fjali: duke u nisur nga 42.5% e votave dhe 48 deputetë, shtimi i 200 mijë votave të diasporës mund ta ngrejë Vetëvendosjen në rreth 46.4–49.1% dhe 52–56 deputetë, ndërsa skenari ku AAK–Nisma bien nën prag e çon efektin në maksimum, duke e ngjitur VV-në teorikisht në rreth 50–52.5% të votave efektive dhe rreth 60–63 deputetë në Kuvend./Kosova ime