Deputetja Hoxha: Mezi shpëtova nga sulmi i 7 qenve tek qendra universitare

Deputetja Hoxha: Mezi shpëtova nga sulmi i 7 qenve tek qendra universitare

Deputetja e Kuvendit të Kosovës nga radhët e PDK-së, Eliza Hoxha ka bërë të ditur se është lënduar derisa po ikte nga qentë endacakë.

Hoxha ka thënë se kjo është hera e tretë që po i ndodhë në hapësirën e njëjtë.

“Sonte duke u kthyer në shpi mezi shpëtova nga sulmi i 7 qenëve tek qendra universitare. U rrëzova, u sakatova e se di qysh ika nga ta tu u mbrojtë me çantë…Ama kjo është hera e tretë që më ndodhë në hapësirën e njejtë por në kohë të ndryshme, por hera e parë që po shkruaj pavarësisht që për raste të tjera kam reaguar”,tha Hoxha.

Ajo po ashtu i është drejtuar edhe kryetarit të Prishtinës, Përparim Rama që të ndërmarr diçka në këtë drejtim.

“Po i drejtohem kryetarit Rama e të tjerëve në Komunë pa dallim që me ndërmarr diçka.

Në studimet e shumta urbane për Prishtinën gjithmonë një nga atributet e forta të saj ka dal të jetë siguria në qytet. Ka kohë që Prishtina e ka humbur këtë atribut.

“Unë jam pjesë e atyre që i duan kafshët dhe nuk dua të cënohen, por kur jeta e njerëzve cënohet përditë duhet të mendohet për një zgjidhje për të dy palët”./Lajmi.net/