Kritikat ndaj Bashës, të orkestruara? Profesori Bytyçi befason me deklaratën: Opozita e dinte që…!

Dimal Basha është kryetari i ri i Kuvendit të Kosovës. Ai u zgjodh kryetar me votat e partisë së tij, Lëvizjes Vetëvendosje dhe të dy partive tjera të mëdha shqiptare, Partisë Demokratike të Kosovës (PDK) dhe Aleancës për Ardhmërinë e Kosovës (AAK).

Sikurse këto dy parti PDK dhe AAK, ashtu edhe Lidhja Demokratike e Kosovës e kritikuan përzgjedhjen e Bashkës për këtë pozitë, duke mos e konsideruar të denjë.

Madje, kishte reagime të shumta kundër Bashës dhe zgjedhjes së tij si kryeparlamentar.

E në lidhje me këto reagime ndaj LVV-së dhe kryetarit të ri të Kuvendit, në një prononcim për “Bota spt” foli profesori Enver Bytyçi.

Si fillim, ai tha se zgjedhja e Bashës në krye të Kuvendit nuk është rastësi. Sipas tij, liderët e opozitës e kanë ditur se Dimal Basha do të ishte një ditë kandidat.

Pavarësisht kësaj, profesori potencoi se shumë mirë që u zgjodh Basha, pasi kjo rikonfirmon se politikat e Kosovës janë të lidhura me SHBA-në.

“Dimal Basha është tashmë kryetar i Kuvendit të Kosovës. Zgjedhja e tij në krye të legjislativit nuk qe rastësi. Unë besoj fort se edhe partitë opozitare, ose më mirë të themi krerët e tyre, e kanë ditur se një ditë do ishte Dimal Basha do të ishte kandidat për kryetar parlamenti. Për mua të gjitha seancat e mëparshme kanë qenë një shou, për të demonstruar atë që njerëzit e përceptojnë si “ushtrim demokracie”! Pra, u hodhën për votim disa kandidatura, megjithëse dihej se ato nuk do t’i votonte ish opozita ose edhe opozita e sotme. Gjithnjë për të ardhur te zoti Basha. Edhe ky nuk u votua në propoziin e parë me gjasmë se “Albini nuk i la opozitën të konsultoheshin”! Edhe ky ishte një shou tjetër. Liderët e opozitës e kanë ditur se Dimal Basha do të ishte një ditë kandidat dhe besoj se e kanë ditur edhe ditën kur do propozohej.

Por u bë shumë mirë që ai u zgjodh, jo thjesht se mori fund një lloj maratone marrëzie e mashtrimi. Por se me zgjedhjen e Dimalit politika në Kosovë dëshmoi e është e lidhur ngushtë me SHBA-të. Se nuk ka asnjë shans që Kosova dhe SHBA të ndahen dhe të përçahen. Njerëzit e aleatit më të madh të Kosovës janë e do të jenë garantë të lidhjeve të ngushta midis të dy vendeve. Kështu që merr fund edhe ai diskursi i nxitur nga Serbia për të ashtuquajturin “Antiamerikanizmin e Albin Kurtit”! Zoti Basha është shkolluar, ka studiuar dhe ka punuar madje me ekspertiza të rëndësishme në Shtete e Bashkuara të Amerikës”, deklaroi ai.

ImageEnver BytyçiFoto galeri
Madje, Bytyçi vlerëson se Basha po goditet nga kundërshtarët politikë, pasi atyre u pengon shkollimi dhe puna e tij që e ka bërë në SHBA.

Ai përmendi edhe sulmet dhe akuzat që po bëhen kinsi Basha ka përhapur akuza anti-UÇK.

“Kjo është arsyeja kryesore edhe pse ai u gjend menjëherë përballë kritikave të ashpra. Dukej sikur kritikët e tij e kanë diitur që ai do bëhej kryetar parlamenti dhe ishin përgatitur me kohë që të shpalosnin akuzat e tyre kundër Dimal Bashës. Lënda e parë e atyre kritikave duket se u shërbye nga lobet proserbe dhe propaganda e Beogradit. U gjet një artikull shkencor në një revistë shkencore ku Basha ishte bashkautor dhe o burra u turrën mjekrroshët e zinj të Kosovës ta akuzojnë atë për poltikan anti-UÇK. U përhap narrativa anti-UÇK për Dimal Bashën si cunam oqeanesh, me aq pasion dhe përkushtim, sa nuk ishte vështirë të kuptohej se kush e sponsorizoi këtë fushatë.

Por nëse diskursin kundër Dimal Bashës nuk mjaftojnë “gjetjet” e vitit 2012. Nëse grumbullojmë diskutimet, debatet, shkrimet dhe kritikat ndaj tij, shohim se ka një abuzim të çuditshëm me shpifje, trillime, fyerje dhe denigrimin e figurës së tij. Që do të thotë se kjo është strategjia e të bërit pis të figurave të caktuara, të cilat konsiderohen të rrezikshme si kundërshtarë. Shprehja e njohur “shpif, shpif, se diçka mbetet” është mekanizmi kryesor i shpifësve në çdo rast, për pasojë edhe në këtë moment kur në shënjestër është kryetari i sapozgjedhur i Kuvendit të Kosovës. Nuk ka rëndësi nëse je debil, apo jo. Nëse je pa shkollë dhe nëse e meriton ose jo një post të caktuar. Për artilierët e shpifjeve rëndësi ka që të përdoren një amalgamë e pallogaritshme të pavërtetash ose në dukej si të vërteta apo gjysëm të vërteta dhe të arrish ta mposhtësh “armikun”!” – shtjelloi profesori.

Më tej, ai gjithë këto sulme ndaj Dimal Bashës i konsideron si një lloj propagande ndaj tij, e që ia kujtoi atë me propagandën serbo-sllave.

“Mënyra se si po funksionon shpifja e ashtuquajtu “kritikë” ndaj zotit Basha të kujton propagandën serbo-sllave dhe atë radikale të majtë të George dhe Alex Sorosit. Shoqëria shqiptare në përgjithësi, përfshirë edhe medien në Shqipëri dhe në Kosovë, është ndotur me këto dy modele kriticizmi. Propaganda serbo-sllave është trashëguar nga periudha e sundimit komunist dhe e vëllazërim-bashkimit të shqiptarëve dhe serbëve, si dhe është përpunuar me mjeshtri në ditët e sotme nga rilindasit ose detashmenti i Soros në të dy vendet. Por për mua sa më shumë ta luftojnë secilin politikan shqiptar njerëzit e Baton Haxhiut, aq më i bindur jam se ai politikan është i duhuri për Shqipërinë, për Kosvën dhe për shqiptarinë. Kriteri, sipas të cilit kritikët i përkasin grupit të psikopatëve beogradas dhe sorosistë, është ai që duhet të na orientojë në vlerësimin e punës dhe personalitetit të politikanëve shqiptarë. Kur shqiptarët shohin se dikë e sulmojnë mediet ose njerëzit e Batonit, duhet të kuptojnë se ky person është i duhuri për qytetarinë shqiptare”.

Në fund, profesori Bytyçi argumentoi deklaratën e mësipërme, duke thënë se Edi Rama luan rol në këto përplasje politike në Kosovë.

“Pse e them këtë? Nëse i hedhim një vështrim medieve dhe njerëzve të etiketuar më lart, do të shohim se ata nuk kanë guxuar ose nuk kanë dashur asnjëherë në 12 vite të shkruajnë për Akesandër Vuçiq. As një të qintën e akuzave që ia bëjnë Dimal Bashës dhe Albin Kurtit këta sahanlëpirës nuk ia kanë thënë as pas shpine presidentit të Serbisë. Të gjithë këta i dirigjon një dorë. Ju do të thoni se kjo dorë është e Batonit. Jo! Është e shefit të Batonit, kryeministrit të Shqipërisë, Edi Rama. Ramushi dhe Memli kanë notën dhjetë se nuk e çuan deri në fund ultimatumin e Ramës për të mos i dhënë Kosovës institucionet e shtetit. Ndaj dhe akuzat ndaj Dimal Bashës janë gjithashtu emocionale, në inat të mosrespektimit të skenarit që Edi Rama u ka dhënë miqve të tij sorosistë në Kosovë. Lumiri e di vetë se në cilin krah është!” – përmbylli Enver Bytyçi për “Bota sot”.