Gazetari i medias gjermane i del në mbrojtje Osmanit, ‘godet’ Grenellin: Kush duhet të ketë turp…?
Gazetari i medias gjermane, DeustcheWelle, Bahri Cani ka komentuar sërish deklaratat që së fundmi ka bërë presidenti amerikan, Donald Trump për çështjen Kosovë-Serbi.
Cani vuri theksin te deklarata që Trump e përmendi katër herë, se ka parandaluar një luftë të re mes dy shteteve, të cilën e konfirmoi edhe presidentja Osmani, e që më pas e njëjta u kritikua nga Richard Grenell.
Ai në një postim në Facebook ia rikujtoi disa gjëra Grenellit, e më pas tha se Osmani nuk është gabim, bazuar në atë çka ka deklaruar Trump.
closevolume_off
“Presidenti Trump e ka përmendur temën e Serbisë dhe Kosovës të paktën katër herë në paraqitjet e fundit. Ndërsa Presidentja e Kosovës Vjosa Osmani-Sadriu gjatë një vizite në SHBA, ka aprovuar ato që ka thënë Trump.
Për këtë e sulmoi Richard Grenell, emisar i Trumpit për misione speciale, i cili tha se “Është turp për Osmanin që ka manipuluar deklaratat e Trumpit…”
Ndoshta Grenelli është duke folur për ndonjë kohë tjetër, por kjo po i bie që Presidentja nuk ka thënë asgjë gabim, apo nuk po e kuptoj unë?!”, shkroi ndër të tjera Cani, përcjell “Bota sot”.
Shkrimi i plotë
Prit pak: kush duhet të ketë turp?
Presidenti amerikan Donald Trump prapë foli se e ka ndaluar një luftë të mundshme mes Serbisë dhe Kosovës.
Në takimin me Sekretarin e Përgjithshëm të NATO-s Mark Rutte në Shtëpinë e Bardhë, Presidenti Trump prapë e përmendi Kosovën dhe Serbinë në kontekstin e ndaljes së luftërave nëpër botë nga ai. Trump tha se e ka ndalur konfliktin mes Kongos dhe Ruandës, Pakistanit dhe Indisë si dhe mes Serbisë dhe Kosovës.
“Kemi qenë të suksesshëm në zgjidhjen e çështjeve të luftës… India -Pakistani, e kemi zgjidhur me Kongon dhe Ruandën, një konflikt që ka zgjatur për 30 vjet…Serbinë dhe Kosovën e kemi zgjidhur , diçka që do të ndodhte …” ka thënë Trump.
Presidenti Trump e ka përmendur temën e Serbisë dhe Kosovës të paktën katër herë në paraqitjet e fundit. Ndërsa Presidentja e Kosovës Vjosa Osmani-Sadriu gjatë një vizite në SHBA, ka aprovuar ato që ka thënë Trump.
Për këtë e sulmoi Richard Grenell, emisar i Trumpit për misione speciale, i cili tha se “Është turp për Osmanin që ka manipuluar deklaratat e Trumpit…”
Ndoshta Grenelli është duke folur për ndonjë kohë tjetër, por kjo po i bie që Presidentja nuk ka thënë asgjë gabim, apo nuk po e kuptoj unë?!
