Turqi: Rritje 25% e çmimit të energjisë elektrike për familjet nga 5 prilli

Nga data 5 prill 2025, qytetarët në Turqi do të përballen me një rritje prej 25% të çmimit të energjisë elektrike për abonentët rezidencialë. Këtë e ka bërë të ditur Autoriteti Rregullator i Tregut të Energjisë (EPDK), duke njoftuar ndryshime të reja në tarifat e energjisë elektrike dhe gazit natyror.

Përveç familjeve, çmimi i energjisë elektrike do të rritet me 10% edhe për konsumatorët industrialë. Ndërsa sa i përket gazit natyror, ai do të pësojë një rritje prej 20% për sektorin industrial dhe 24.2% për prodhuesit e energjisë, ndërkohë që çmimi për konsumatorët rezidencialë nuk do të ndryshojë.

Rritja e çmimeve vjen në një periudhë kur Turqia po përballet me inflacion të lartë dhe kosto të rritura jetese, çka pritet të rëndojë edhe më tej mbi ekonominë familjare.