U raportua se Bekim Jashari do të propozohet nga Kurti për president, vjen reagimi nga Guxo

Kujtim Hajdaj nga Guxo ka reaguar ndaj spekulimeve të fundit lidhur me kandidaturën për President të Kosovës.

Së fundmi, u raportua se Bekim Jashari mund të propozohet nga Kurti për postin e presidentit, por Hajdaj e mohoi këtë skenar.

Ai e quajti lajmin “të rrejshëm” dhe theksoi se, pavarësisht disa propozimeve të tjera, Albin Kurti dhe koalicioni i madh fitues mbështesin pa rezervë Vjosa Osmanin për një mandat të dytë.

Postimi i plotë:

Ky është lajm i rrejshëm..

Mund t’ketë propozime tjera.., por Albin Kurti dhe koalicioni i madh fitues e mbështesin pa rezervë Presidenten, Vjosa Osmani, edhe për një mandat të dytë në krye të shtetit.

Kosovës i duhet edhe një mandat presidencial me Vjosën, sepse sot për sot, në Kosovë s’ka figura politike e as personalitete tjera që e kanë aftësinë politike dhe përgatitjen profesionale për të udhëhequr me mirë me Kosovën dhe për ta përfaqësuar atë dinjitetshem përpara bashkësisë ndërkombëtare.