Gigi Hadid e nis ndryshe 2026, modelja bën ndryshimin drastik në pamje

Modelja e njohur Gigi Hadid ka bërë një ndryshim të befasishëm në pamjen e saj, duke lënë pas flokët bjonde dhe duke adoptuar një stil të ri me një prerje të shkurtër bob në ngjyrë të zezë.

Hadid e prezantoi këtë ndryshim radikal me anë të një postimi në Instagram, i cili u shpërnda nga stilisti i saj i flokëve, Dimitris Giannetos.

Në fotot e shpërndara më 8 janar, modelja duket pothuajse e panjohshme, me flokë të shkurtra dhe një grim të rënduar që i jep një pamje dramatike. Giannetos e shoqëroi postimin me mbishkrimin:

“Mini bob i zi mat”, dhe shtoi: “Prerje dhe ngjyrë e re flokësh për bukuroshen Gigi Hadid”.