Parashikime të forta një ditë para zgjedhjeve: Kurti mbi 50%, PDK e LDK në garë ‘kokë më kokë’

Me vetëm një ditë të mbetur deri në mbajtjen e zgjedhjeve parlamentare, skena politike e Kosovës ndodhet në një moment vendimtar.

Partitë politike po përmbyllin fushatat e tyre intensive, duke u përpjekur të bindin votuesit e pavendosur dhe të mobilizojnë mbështetësit e tyre.

Tensioni dhe pritshmëritë janë të larta nga të gjitha partitë, pasi të gjitha po pretendojnë që do rriten në vota, krahasuar me zgjedhjet e 9 shkurtit të këtij viti.

Krahas kësaj, një tjetër çështje kyçe mbetet pjesëmarrja në votime: sa qytetarë do të dalin në kutitë e votimit dhe në çfarë përqindjeje mund të shprehin preferencat e tyre për partitë e ndryshme?

Alpha Male
Силна потенција дури и после 70 години! Рецептот е едноставен
Научете повеќе
Në prag të zgjedhjeve, mbetet për t’u parë nëse pritshmëritë e subjekteve do të përputhen me vendimin final të qytetarëve.

Analistët politikë dhe mediat po ndjekin me kujdes çdo zhvillim, duke u përpjekur të parashikojnë se si mund të ndryshojnë balancat e pushtetit në parlament

Bukuroca: Koalicioni i Kurtit: mbi 50%.

FIllimisht, ai potencoi se, në zgjedhjet e nesërme dalja e qytetarëve në votime do jetë dikur rreth 60 përqind, derisa si fitues të ktyre zgjedhjeve e sheh Lëvizjen Vetëvendosje.

Për këtë, tregoi se pse mendon që Kurti do arrijë të shpallet fitues i zgjedhjeve të nesërme.

“Dalja në zgjedhje, sipas mendimit tim, mund të jetë rreth 50–60%.

Sa i përket renditjes së partive politike, bazuar në rezultatet e deritanishme dhe zhvillimet politike gjatë mandatit, koalicioni i udhëhequr nga kryeministri Albin Kurti do të dalë i pari. Edhe pse jo të gjitha premtimet janë realizuar, një pjesë e madhe e energjisë institucionale është përqendruar në luftimin e pasojave të keqqeverisjes së mëhershme, në forcimin e sovranitetit dhe në përballjen me çështje të ndjeshme të sigurisë dhe rendit kushtetues”.

Krahas kësaj, tha se roli i diasporës nesër, do jetë vendimtar dhe do ndikojë në rezultat.

Madje, tha se nëse koalicioni LVV-Guxo bie nën 50 për qidn, atëherë do ishte sinjal se kanë ndikuar disa faktoë mediatik.

“Janë shënuar disa zhvillime të rëndësishme, si shtrirja e autoritetit shtetëror në veri dhe luftimi i strukturave ilegale dhe kriminale, çka ka ndikuar në perceptimin publik për stabilitet dhe siguri. Këto faktorë do të reflektohen pozitivisht në rezultatin zgjedhor.

Në rast se rezultati i koalicionit qeverisës bie nën 50%, kjo do të tregonte një ndikim më të madh të faktorëve mediatikë në krijimin e opinionit publik. Disa luftojnë për të mbrojtur interesat e tyre nga frika e forcimit të shtetit ligjor, ndërsa një pjesë e votuesve beson se këto veprime bëhen për të mbrojtur drejtësinë.

Roli i diasporës mbetet shumë i rëndësishëm dhe mund të ketë ndikim të ndjeshëm në rezultatin përfundimtar”, shtjelloi ai.

Ndër të tjera, publicisti dha edhe parashikimin për radhitjen e partive politike, ku vetëm te LVV sheh rritje të votave.