“Vendime strategjike nga Kurti”, opinionisti flet për Qeverinë në detyrë – mbështet këto veprime!

Kosova tash e saj muaj është me qeveri në detyrë, pasi që partitë politike nuk arritën marrëveshje bashkëpunimi për të formuar institucionet e reja, pas zgjedhjeve të 9 shkurtit.

Qeveria Kurti po vazhdon me punën e saj të paktën deri pas përfundimit të zgjedhjeve të jashtëzakonshme parlamentare të 28 dhjetori.

E për punën e qeverisë në detyrë në një bashkëbisedim me “Bota sot” ka folur opinionisti Dedë Preqi.

Fillimisht, ai u shpreh se ndonëse funksionet e saj janë më të kufizuara, përgjegjësia e saj shtetëore është në funskion.

“Qeveria e Kosovës, në detyrë edhe pse në një kuptim më të thellë nënkupton se funksionet e saj janë pak sa të kufizuara përshkak të shpërndarjes së Kuvendit dhe shkuarjes në zgjedhje të reja, mirëpo roli i saj në rrjedhat e zhvillimit dhe përgjegjësive institucionale e shtetërore janë në funksion të vazhdueshëm dhe gjithçka e paraprirë me programet qeveritare”.

ImageDedë Preqi.Foto galeri
Kësisoj, Preqi përmendi disa nga vendimet e fundit që mori kjo qeveri, e që sipas tij është sinjal i përkushtimit dhe përmbushjes së detyrave të saj.

Po ashtu, vlerësoi se këto vendime, bazën dhe qëllimin e fokusojnë në pjesët më të veçanta të shtetit.

“Këto ditë Qeveria në detyrë brenda kompetencave të veta muar vendime shumë të rëndësishme, duke miratuar një sëri vendimesh po në të njëjtën ditë kur edhe Forcat e Armatosura të këtij vendi e kremtonin Ditën e Forcës së Sigurisë së saj, si pasardhëse e denjë e UÇK-së.

Kjo mënyrë e aktiviteteve të qeverisë në detyrë, tregon përkushtimin dhe përbushjen e detyrave të saj me besimin se edhe pse e kemi një situatë të tillë, që vendi gjindet në rrjedhat parazgjedhore, ku do të kishte një parapërgaditje për të formalizuar ecurinë dhe zhvillimin e tyre për krijimin e qeverisë së re, larmia e aktiviteteve dhe vendimeve qeveritare nuk ndalet, ku do gjejë përmbushjen e vet, që çojnë drejt nevojës dhe mirëqenjes së qytetarëve të vendit.

Këto vendime të miratuara nga Qeveria në detyrë, në krye me kryeministrin Albin Kurti, bazën dhe qëllimin e fokusojnë në pjesët më të veçanta apo të rëndësishme, që i japin domethënje, jo vetëm të këtij pushteti, por si një zingjir reformash për rritjen, për zhvillimin dhe sigurinë e këtij vendi”, shtjelloi ai.

Tutje, opinionisti me theks të veçant përmendi miratimin e palnit për ndërtimin e fabrikës së municioneve në Gjakovë.

Ai këtë e vlerësoi mjaft, duke nënvizuar rëndësinë e saj në aspketin e sigurisë.

“Ndër të tjera vendime dhe miratime të Qeverisë në detyrë në krye me Albin Kurtin, para kabinetit qeveritar prezentohet dhe miratohet plani dhe programi i ndëtimit të një fabrike të municionit në Jahoc të Gjakovës, që do t’i shërbejë ushtrisë tonë për të rritë kapacitetet e saj në mbrojtje të vendit.

Dikush do të thoshte, se çka i nevojitet Kosovës, një fabrikë e tillë municioni, kur Kosova nuk e ka luksin e një fabrike që prodhon armë dhe e cila po sa ka dalur nga lufta, sikur më mirë të ndërtohet ndonjë fabrikë ushqimore apo ndërtimore për nevojat e këtij populli dhe vendi.

Nuk ka pikë dyshimi se epokës së ardhme të këtij vendi edhe pse është një ndër vendet me një popull të lashtë dhe historik, i cili nuk e ka rrezikuar dhe nuk përbënë ndonjë rrezik të mundshëm për asnjë fqinj të vet dhe nacion tjetër, nuk do të thotë se nuk do të përballët me problemin e rritjes së kërcënimeve të vazhdueshme të armikut shekullor, i cili edhe pas luftës së fundit me një ritëm të vazhdueshëm mbetët me pretendime të njëjta të gllabërimit dhe pushtimit të këtij vendi”.

Në fund, Preqi shtoi se institucionet tona e kanë obligim që të përgatisin plane dhe të marrin vendime në kuadër të mbrojtjes së sovrantitetit të Kosovës.

“Prandaj, detyrat e vendit tonë dhe udhëheqjes së saj janë obligime dhe detyra të karakterit jo sulmues, por për të organizuarar planet dhe format programore të karakterit mbrojtës të lirisë dhe sovranitetit të këtij vendi, dhe koha e çdo shoqërie e trajton këtë formë si një fitore të pamohueshme të fuqisë shkencore dhe teknike, që do të ishte në shërbim të vlerave më të spikatura të njeriut”, përfundoi Dedë Preqi për “Bota sot”.