Shkëlzen Gashi kritikon opozitën: “Kurti luajti me ju si maca me miun, ia ndreqët ‘volleyn’ për zgjedhje”

Analisti Shkëlzen Gashi ka kritikuar ashpër partitë opozitare për, siç thotë ai, zhagitjet e panevojshme në proceset parlamentare, duke përfshirë mosvotimin fillestar të Albulena Haxhiut dhe Nenad Rašićit.

Sipas Gashit, opozita humbi muaj e javë pa arsye, për të përfunduar duke votuar të njëjtit kandidatë, ndërsa kjo i dha kryeministrit Albin Kurti avantazh politik.

Ai thekson se nëse opozita do të vepronte menjëherë, do të dëshmohej më herët se Kurti nuk i kishte votat për qeveri dhe vendi do të shkonte në zgjedhje në qershor.

Gashi thotë se Kurti i paraqiti ata para publikut si bllokues të buxhetit dhe marrëveshjeve ndërkombëtare, ndërsa opozita, në fund, “ia rregulloi vollean” për zgjedhje në momentin më të favorshëm për të.