Reagon Halil Thaçi: Më 9 nëntor triumfon e vërteta dhe qytetari i Obiliqit

Kandidati i Lëvizjes Vetëvendosje për kryetar të Obiliqit, Halil Thaçi, ka reaguar ndaj shpifjeve gjatë fushatës, duke thënë se “beteja e gënjeshtrave” nuk do ta ndalë.

Ai theksoi se fushata e tij bazohet në të vërtetën dhe në besimin e qytetarëve. “Më 9 nëntor, triumfon e vërteta. Triumfon Obiliqi”, deklaroi Thaçi.

Reagimi:

Ka filluar beteja e shpifjeve, por ne s’luftojmë me gënjeshtra — ne ecim me të vërtetën.

Bashkë me qytetarët, në çdo përballje, në çdo sfidë, deri në triumfin ndaj së keqes.

Fitorja e madhe më 9 nëntor është e qytetarit të Obiliqit sepse më 9 nëntor, triumfon e vërteta. Triumfon Obiliqi.