Lutfi Haziri në një foto me Fatmir Shehollin, i arrestuar për spiunazh në dobi të Serbisë

Fotografia rikthen në vëmendje debatet për qëndrimet e Lutfi Hazirit ndaj veriut të Kosovës, pas arrestimit të Fatmir Shehollit për spiunazh në dobi të Serbisë.

ADVERTISING

Një foto e publikuar në rrjete sociale tregon ish-kryetarin e Gjilanit dhe sekretarin organizativ të Lidhjes Demokratike të Kosovës, Lutfi Haziri, së bashku me Fatmir Shehollin, i cili u arrestua sot nga Policia e Kosovës nën dyshimin për përfshirje në veprimtari spiunazhi në dobi të Serbisë.

Fotografia është shpërndarë nga studiuesi Fahri Xharra, i cili e ka shoqëruar me një koment ironik që lidhet me qëndrimet e atëhershme dhe të tashme politike të Hazirit ndaj veriut të Kosovës, në dritën e zhvillimeve të fundit që përfshijnë arrestimin e Shehollit.