Juristi Kadri Kryeziu reagon pas aktgjykimit: Formulime të çuditshme, por një zhvillim shumë i mirë për Kosovën

Juristi Kadri Kryeziu ka reaguar në rrjetin social Facebook pas publikimit të aktgjykimit të fundit të Gjykatës Kushtetuese.

Ai ka thënë se e ka lexuar vendimin e plotë dhe ka vërejtur “formulime të çuditshme, zgjidhje deus ex machina dhe tone politike të maskuara si postulate juridike”.

Ai ka theksuar se Gjykata ka hequr “veton e madhe që rrezikonte të bllokonte funksionimin e Kuvendit”, duke e cilësuar këtë si një zhvillim pozitiv për vendin.

Reagimi në Facebook:

E lexova Aktgjykimin e plotë. Formulime të çuditshme, zgjidhje deus ex machina, e madje edhe tone politike të maskuara si postulate juridike.

Por nuk do të ngutem me konstatime pa e analizuar mirë e mirë.

Megjithatë, një gjë është e qartë: Gjykata ka hequr veton e madhe, atë që rrezikonte të bllokonte funksionimin e Kuvendit — dhe kjo është një zhvillim shumë i mirë.