Sulmet ndaj Bashës, zyrtari i “Guxo”: SHIK-u i PDK-së ende gjallë, me dezinformata për kundërshtarët politikë

Që nga marrja e detyrës si kryetar i Kuvendit të Kosovës, Dimal Basha është bërë shënjestër e sulmeve nga opozita. Përveç deputetëve dhe krerëve të partive opozitare, edhe gazetarë e analistë kanë drejtuar kritika ndaj tij.

Reagimet e shumta tregojnë se opozita nuk po e mirëpret zgjedhjen e tij në krye të institucionit më të lartë ligjvënës, duke e vënë Bashën në qendër të debatit politik në vend.

Ai u kryqëzua edhe për fyerje ndaj UÇK-së, por vet kryeparlamentari e ka monuar një gjë të tillë duke thënë ndër tjera “Unë këtu jam për të deklaruar që nuk është hera e parë që unë si Dimal Basha, e as ne si VV sulmohemi me të pavërteta nga qarqe të caktuara. Është e lodhshme që në këtë vend shpifjet nuk kanë të ndalur, andaj ndjej përgjegjësi të sqarojë për akuzat që janë ngritur kundër meje. Në vitin 2012 keam dorëzuar hulumtim për publikm, atë kohë kam bërë hulumtim për deportimin e islamit fundamendalist në Evropën Juglindore, kam dërguar hulumtim vetëm për këtë temë. Këtu përfundon përgjegjësia ime për këtë temë. Edhe tema ime master gjithashtu e mbulon vetëm këtë pjesë. Asnjë fjalë të vetme nuk e gjeni UÇK ose çkado tjetër. E mbulon vetëm temën e islamit fundamentalist me fokus Kosovën.

Kurrë në jetën time nuk është shkruar e as nuk gjendet asnjë shkrim për këtë vlerë, distancohem kundër kësaj vlere. Për dy mandate kam bërë beteja të mjaftueshme dhe jashtë tij. 6 vite, portalet e të ashtuquajtur gazetarë nuk kanë ndaluar duke më ofenduar në mënyra më të ulëta, duke përdorur edhe burime nga gazeta të Beogradit. Kjo nuk është sot, të njëjtit e kanë bërë të njëjtën propaganda kundëër Donika Gërvallës me vite të tëra. Të njëjtit që edhe presidentin Rugova e quanin tradhtarë. Po të njëjtit vazhdojnë me ofendime ndaj Kurtit. Mos harroni se i keni të njëjtat burime që kanë lobuar për ndarjen e Kosovës, dhe për Listën Serbe”.

Kujtim Hajdaj, anëtar i Listës “Guxo”, në një prononcim për “Bota sot”, ka akuzuar PDK-në se përmes strukturave të SHIK-ut po vazhdon propagandën edhe sot, njësoj si pas luftës.

Ai tha se pas votimit të Dimal Bashës për kryeparlamentar, të njëjtit që e mbështetën tani po e akuzojnë për “tradhti”, duke sajuar raste të paqena.

Sipas tij, SHIK-u dikur përdorte shantazhe e kërcënime, ndërsa sot përhap dezinformata përmes mediave e portaleve me qëllim dëmtimin e figurave politike dhe krijimin e hutisë në opinion.

“SHIK- u i PDK, PO AQ AKTIV SOT SA EDHE PAS LUFTE NË KOSOVË

– Propaganda e PDK-së me aleat ( njerëz dhe para të investuara )

– Si ndodhi dhe çka ndodhi pas votimit të z.Dimal Basha, si Krye Parlamentar?

Kur e shohim tërë këtë propagandë të PDK-së me aleat.., mediume, portale dhe të ashtuquajturit gazetarë e analistë.., kjo na bënë që të kuptojmë edhe më shumë se SHIK-u i PDK-së ende s’ka vdek dhe bile është shumë aktiv.

MJESHTËR TË SAJIMIT TË RASTEVE PËR T’I AKUZUAR TË TJERËT PËR “TRADHTI KOMBËTARE ”

Pikësëpari, pse e votuan Dimal Bashen, për Krye Parlamentar?

Këtë e bënë sepse ishin mbështetur për muri dhe s’kishin tjetër rrugëdalje…

Dhe sot të njëjtit kandidat, pra kryeparlamentarit të ri, z.Dimal Basha, i sajojnë raste të paqena për ta akuzuar për “tradhti ” ndaj vlerave të UÇK.

Pra, e shihni janë të njëjtit mashtrues, përveq se e kanë ndryshuar formën e tyre të propagandës.

Derisa pas lufte në Kosovë, SHIK-u hulumtonte dhe grumbullonte materiale që u dorëzoheshin grupeve kriminale që merrnin si detyrë për t’i shantazhuar, kërcënuar dhe deri likuiduar kundërshtarët e vet politik.., sot kanë angazhuar mercenarë të profileve të ndryshme që i gjënë kudo.., në mediume publike dhe portale të maskuara apo pa maskë…, që kanë marrë për detyrë për të përhapur dezinformata të llojit ‘Sputnik’ të Rusisë dhe ‘Tanjug’ të Serbisë, me qëllim që të dëmtojnë imazhin e figurave politike dhe kombëtare që janë vënë në shërbim të popullit dhe shtetit tonë sovran, dhe për të krijuar huti dhe dyshime tek opinioni i gjerë publik në Kosovë” – deklaron ai.

Tutje, ai thotë se propaganda e PDK-së bëhet në emër të mbrojtjes së UÇK-së, të cilën vet e kanë abuzuar pas luftës për të ruajtur pushtetin.

Ai rendit dështimet e tyre: abuzimin me fondet e luftës, mosndriçimin e vrasjeve pasluftës, krijimin e korrupsionit e nepotizmit, themelimin e Listës Serbe, Gjykatën Speciale, “Zajednicën”, faljen e territorit dhe braktisjen e veriut të Mitrovicës.

“Populli mashtrohet njëherë, por jo dy herë. Kosova është gjaku dhe liria jonë që nuk falet askujt për pushtet”, përfundon ai.

“DHE KREJT KËTË PROPAGANDË E BËJNË PËR TU THIRRUR GJËJA NË “MBROJTJE ” TË UÇK

Një UÇK me të cilën këta vet kanë abuzuar paslufte në Kosovë. Dhe sot prapë e keqpërdorin këtë propagandë përmës së cilës po mundohen t’i ruajnë pozicionet e veta që i kishin marrë përgjatë pushtetit të tyre të korruptuar.

Pse funksionojnë kështu…?

Sepse, këta s’kanë kauza tjera me të cilat do mund e mbronin pozicionin e vet politik e kombëtar në Kosovë.

DËSHTIMET E TYRE TË MËDHA:

– Abuzimi me Fondet e Luftës.., me djersën dhe sakrificën e mërgimtareve tanë;

– Mos angazhimi i tyre për ndriçimin e dhjetëra vrasjeve dhe plagosjeve të kryera pas lufte në Kosovë;

– Fajtor për krijimin e ambijentit të korrupsionit dhe nepotizmit në Kosovë;

– Krijimi i Listës “Srpska” ;

– Gjykata Speciale, të cilën vet e kanë krijuar dhe me të cilën po manipulojnë edhe sot;

– “Zajednica” ;

– Falja e territorit të Kosovës, Malit të Zi;

– Heqja dorë nga Veriu i Mitrovicës dhe lënja e saj në fatin e kriminelëve dhe terroristëve të Listës “Srpska”

TË NJËJTIN POPULL E MASHTRON NJËHERË, POR JO DY HERË!

KOSOVA ËSHTË GJAKU DHE LIRIA E JONË QË SI FALET ASKUJT PËR PUSHTET!” – përfundon ai.