Publikimi i fotografisë me “Mamin” ngre dyshime për spiunazh/ Kërkohen hetime ndaj Simiqint

Lista Serbe ka mohuar çdo lidhje me Ana Murganiqin, e dyshuar për spiunazh në Mitrovicë dhe e arrestuar në Kroaci së bashku me të dashurin e saj, një pilot kroat.

Megjithatë, ky pohim vihet në pikëpyetje, pasi në publik janë shfaqur fotografi që tregojnë deputetin e kësaj partie, Slavko Simiq, në shoqërinë e Vladimir Radivojeviqit, i njohur si “Mami”.

Radivojeviqi, që dyshohet se është personi të cilit Murganiq i transmetonte informacionet.

Lidhur me këtë, analisti politik, Faton Mehmeti, në një prononcim për “Bota sot”, ka deklaruar se mohimi i Listës Serbe për njohjen e të dyshuarit për spiunazh bie ndesh me faktet publike.

recommended by

Nautubone
Болките во зглобовите и грбот ќе исчезнат преку ноќ!
Дознај повеќе
“Deklarata e Listës Serbe se nuk e njeh të dyshuarin për spiunazh bie ndesh me faktet që tashmë janë publike. Fotot ku shihet Slavko Simiq në shoqëri të afërt me Vladimir Radivojeviqin, të njohur si “Mami”, e bëjnë të pashmangshme pyetjen: a po përpiqet Lista Serbe të distancohet vetëm formalisht, ndërsa realiteti është krejt tjetër?”, është shprehur ai.

ImageFaton MehmetiFoto galeri
Gjithashtu, Mehmeti ka kërkuar që institucionet e Kosovës të nisin hetime ndaj Slavko Simiqit, duke theksuar se mohimet publike nuk mjaftojnë kur bëhet fjalë për spiunazh.

Ai ka përmendur afërsinë e Simiqit me Beogradin dhe dyshimet për përfshirje në trazirat në veri, duke ngritur shqetësime për lidhje të mundshme me shërbimin sekret serb, BIA.

“Institucionet e Kosovës patjetër duhet të hapin hetime ndaj Simiqit. Nuk mund të mjaftohemi vetëm me mohime deklarative, kur kemi të bëjmë me një temë aq delikate si spiunazhi. Afërsia e tij me Beogradin, e kombinuar me rolin e dyshuar në organizimin e trazirave në veri, shton dyshimet se Simiq mund të ketë lidhje të drejtpërdrejta ose të tërthorta me shërbimin sekret serb, BIA.

Prandaj, është momenti që shteti i Kosovës të tregojë vendosmëri: të mos lejojë që individë të dyshimtë të shërbejnë si “urë” e ndikimit të Beogradit brenda Kosovës. Nëse ka dyshime serioze, ato duhet të trajtohen me hetime të plota, sepse në çështje të sigurisë kombëtare, kompromisi nuk është opsion”, ka përfunduar Mehmeti