“Thaçi pa vizitorë në Hagë”, familja e Haki Imerit: Ja pse Gjykata Speciale ndalon vizitat

Familja e veprimtarit të vrarë Haki Imeri ka reaguar ashpër pas propagandës që po zhvillohet rreth vizitave në Hagë, duke theksuar se faji nuk është i kryeministrit Albin Kurti, por i vetë krerëve të NPK-së që vazhdojnë lidhjet me krimin edhe pas hekurave.

Në reagim thuhet se rreth tyre gjenden ish-zyrtarë të AKI-së, ministra e tërë banda, të cilët “heroizmin” e kanë kthyer në shmangie të drejtësisë. Familja Imeri thekson se vizitat në Hagë nuk ndaleshin për mallin e familjarëve, por sepse shfrytëzoheshin si kanale për instruksione kriminale.

Ata akuzojnë “hibridet” se vazhdojnë propagandën duke helmuar publikun, ndërsa në të vërtetë luftën e patën me shqiptarët, rivalët politikë i zhdukën me plumba dhe popullin e zhvaten me tenderë.

Reagimi i plotë:

-Hibridet dhe drejtësia e vonuar

Kreu i NPK-së “mbeti” pa vizitorë në Hagë. Dhe menjëherë, hibridet filluan të ulërijnë: “Fajin e ka Kurti!” një absurditet i radhës, një shpifje-budallallëk i legalizuar.

-Por e vërteta është krejt tjetër.

-Fajtor është vetë kreu i NPK-së: mafioz me seli në burg, që edhe pas hekurave vazhdon bizneset me krim.

– Rreth tij gjenden ish-shefa të AKI-së, ministra të drejtësisë e tërë banda. Ky është “heroizmi” i tyre.

-Kërkojnë me çdo kusht t’i shmangen drejtësisë.

-Ndërkohë, hibridet vazhdojnë propagandën: helmojnë publikun, krekosen si “çlirimtarë”, ndërsa në të vërtetë luftën e patën me shqiptarët.

-Rivalët politikë u zhdukën me plumba.

-Shteti dhe populli u zhvaten me tenderë.

-Gjykata Speciale po ua ndalon vizitat, a jo pse s’kanë mall për familjet, por sepse këto vizita shfrytëzoheshin si kanale për krim. –

-Aty nuk bëhej fjalë për përqafime, por për instruksione.

-Dhe Albin Kurti?

-Ai nuk ka asnjë faj për krijimin e kësaj gjykate.

“Faji” i tij i vetëm është se refuzon të bëhet patericë e mafisë politike opozitare-mediatike .

-Dhe kjo ua djeg shpirtin te gjithe – hibridëve.

-Kush nuk do zbardhjen e vrasjeve, është pjesë e krimit. Thjesht.

-Kosova nuk mund të ecë mbi gënjeshtra e hiperbolizime.

-Nuk mund të ecë mbi varre me..

-Nuk mund të ecë me hibridë që lavdinë e rreme e kanë kthyer në arsenal për të luftuar drejtësinë.

-E ardhmja kërkon dritë.

-Hibridet po digjen në propaganden e tyre.