Gërvalla falënderon ambasadorin Nissinen për përkrahjen e Kosovës

Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, priti sot në një takim lamtumirës ambasadorin e Finlandës në Kosovë, Matti Nissinen, me rastin e përfundimit të mandatit të tij diplomatik.

Gjatë takimit, ministrja Gërvalla shprehu mirënjohje për kontributin dhe përkushtimin e ambasadorit Nissinen në forcimin e marrëdhënieve ndërmjet Kosovës dhe Finlandës, duke theksuar rëndësinë e mbështetjes së vazhdueshme finlandeze për rrugën euroatlantike të vendit.

“Finlanda ka qenë dhe mbetet një partnere e besueshme e Republikës së Kosovës, si dhe një mbështetëse e palëkundur e rrugës sonë drejt integrimit euroatlantik,” u shpreh Gërvalla.

Në fund, Ministrja i uroi ambasadorit Nissinen suksese në angazhimet e tij të ardhshme dhe theksoi se ai do të mbetet gjithmonë një mik i Kosovës.