“Lufta hibride është këtu” – Drizan Shala komenton parollën anti-policore në Lipjan: Mund të jetë me motive serbe sepse…

Një parollë me përmbajtje të dyshimtë u shfaq në qytetin e Lipjanit më 8 korrik, ku shkruhej: “Policia e Kosovës të ndrydh deri sa të vret.”

Eksperti i sigurisë, Drizan Shala e ka klasifikuar këtë si pjesë të një operacioni informativ të infiltruar, me motive të mundshme nga Serbia.

Parolla nuk përmban elemente të zakonshme të pakënaqësisë qytetare, por përputhet me retorikën e përdorur nga Serbia zyrtare dhe strukturat ilegale në veri të Kosovës.

Sipas tij, synimi është të shkaktohet destabilizim psikologjik, diskreditim i Policisë dhe nxitje e përçarjeve politike brenda Kosovës.

Shkrimi i plotë:

Përdorimi i Narrativës Anti-Polici në Kosovë si Mjet i Luftës Hibride: Rreziku i Shfrytëzimit nga Serbia për Operacione Psikologjike dhe Sabotuese (2025)

📍 Vlerësim i përgjithshëm

Më 8 korrik 2025, në qytetin e Lipjanit u shfaq një mbishkrim publik me përmbajtjen:

❗️“Policia e Kosovës të ndrydh deri sa të vret”.❗️

Duhet analizuar ketë parollë e cila ka disa defekte dhe mund të nxjerrim që mund të jete me motive serbe sepse :

✅️ Nuk përmban elemente të pakënaqësisë së zakonshme qytetare, por është pjesë e një diskursi të konstruuar me elemente propagandistike.

✅️ Përdor të njëjtën gjuhë me linjat retorike që përdoren nga institucionet zyrtare të Serbisë, mediat shtetërore serbe dhe strukturat ilegale në veri të Kosovës.

✅️ Ka potencial të përdoret si mjet nxitës për destabilizim politik dhe psikologjik, sidomos në zonat urbane të ndjeshme ku shoqëria është më e ekspozuar ndaj përçarjeve politike.

📍 Klasifikimi i incidentit: Operacion Informativ i infiltruar

Incidenti mund të klasifikohet si pjesë e një veprimi të luftës hibride – faza informative/psikologjike që ka për qëllim:

1. Krijimin e perceptimit të frikës dhe represionit në mesin e qytetarëve.

2. Erozionin e autoritetit të Policisë së Kosovës, veçanërisht në prag të ndonjë operacioni të ardhshëm në veri ose në zonat e ndjeshme.

3. Nxitjen e reagimeve impulsive politike, duke futur përçarje të brendshme dhe transferim të fajit në drejtim të institucioneve legjitime të shtetit.

📍 Veprimi i aparaturës propagandistike serbe

Ky incident përkon kohësisht me fushatat që Serbia ka ndërmarrë në:

❗️Mediet shtetërore (RTS, Tanjug, Informer, Politika), ku Policia e Kosovës paraqitet si represive dhe kriminale.

❗️Deklaratat politike të zyrtarëve të lartë serbë, përfshirë presidentin Vuçiq, të cilat e krahasojnë Policinë e Kosovës me struktura “okupuese”.

❗️Narrativat e shfaqura në “Lista Srpska” dhe strukturat ilegale në veri, që përpiqen të justifikojnë mos-nënshtrimin ndaj rendit kushtetues të Kosovës.

Ky rast përkon me modelin e përdorur nga Serbia në raste të mëhershme, ku përmes propagandës “për viktimizim” krijon alibi për ndërhyrje politike, diplomatike, por edhe operacione të maskuara si incidente civile.

📍 Analogjia me rastin e Novi Sad (2024)

Një precedent shqetësues është rasti i shpërthimit në Nishi (Serbi), ku 15 persona humbën jetën. Fillimisht u paraqit si incident, ndonëse më vonë u dyshua për implikim të shërbimeve serbe për manipulim të opinionit publik dhe justifikim të masave të jashtëzakonshme.

Ky rast tregon kapacitetin e Serbisë për të krijuar analogji dhe për t’i përdorur incidentet e brendshme në Kosovë si bazë justifikuese për operacione destabilizuese. Me parollën në Lipjan, rreziku është që Serbia të ndërtojë:

❎️ Narrativë të re për represion shtetëror në Kosovë.

❎️ Incident të sajuar në veri, që mund të shërbejë si shkak për ndërhyrje diplomatike, operacionale ose të sigurisë.

📍 Vlerësim i ndikimit në rendin kushtetues dhe perceptimin publik

1. Rreziku për rendin kushtetues

↗️ Përdorimi i kësaj gjuhe në hapësirën publike është një akt i minimit të rendit kushtetues.

↗️ Krijon diskreditim të Policisë, që është institucion kyç në mbrojtjen e sovranitetit të Kosovës.

↗️ Hap rrugën për radikalizim të perceptimeve qytetare, që mund të eskalojnë në forma të dhunës simbolike apo reale ndaj zyrtarëve të rendit.

2. Ndikimi në opinionin publik shqiptar

↗️ Diskursi i importuar nga propaganda serbe krijon dyshime dhe fraktura brenda shoqërisë shqiptare.

↗️ Mund të shfrytëzohet nga aktorë ekstremistë për sabotim të bashkëpunimit qytetar me Policinë, veçanërisht në zonat urbane dhe rrethin e të rinjve të radikalizuar.

⚠️ Pra parolla e shfaqur në Lipjan është më shumë se një fjali provokuese – ajo është sinjal i infiltrimit të luftës hibride në diskursin politik të brendshëm të Kosovës. Nëse nuk trajtohet me serioz, ajo mund të përdoret si gur themeli për operacione të ardhshme të destabilizimit nga Serbia ose nga aktorë të tjerë anti-shtetërorë në rajon.

Mbështetja ndaj Policisë së Kosovës nuk është thjeshtë politike – është strategjike dhe e domosdoshme për mbrojtjen e sovranitetit, sigurisë dhe rendit kushtetues të Republikës së Kosovës.⚠️