“Dosje shumë voluminoze”, juristi nga Belgjika flet për procesin në Hagë – jep këtë parashikim!

Në seancën e 1 prillit në Hagë u mbyll faza e prezantimit të dëshmitarëve të ftuar nga Zyra e Prokurorit të Specializuar në rastin e gjykimit të ish-krerëve të Ushtrisë Çlirimtare të Kosovës (UÇK)

Në mungesë të dëshmitarit të fundit të ftuar nga Zyra e Prokurorit të Specializuar (ZPS), seanca u përfundua më herët se që ishte planifikuar, pa u dhanë një datë e re kur do të vazhdojë gjykimi

“Pjesa e mbetur e seancave të kësaj jave janë anuluar dhe gjykimi është shtyrë deri në një njoftim të mëtejshëm”, thuhet në njoftimin e publikuar në uebfaqen e Dhomave të Specializuara të Kosovës.

E për atë se çfarë pritet të ndodhë në procedurat e ardhshme, pas 15 prillit, në një prononcim për “Bota sot” foli juristi nga Belgjika, Skënder Musliu.

Ai tha se e gjitha pritet të kuptohet me 23 prill kur ZPKS do mbajnë konferencën e radhës për ecurinë e çështjes në fjalë.

“Siç kishte paralajmëruar Prokuroria Speciale se me 4 prill 2025 do të përfundojë me punën e administrimit të dëshmitarëve dhe provave të saj, ashtu edhe ndodhi, madje dëshmitari i fundit i prokurorisë, edhe përkundër përpjekjeve dhe insistimeve të gjykatës që ta sigurojë prezencën e tij, ai nuk u paraqit para trupit gjykues, mirëpo dëshmia e tij me shkrim iu pranua si provë. Si rrjedhojë, seancat gjyqësore janë shtyrë në afat të papërcaktuar, dhe kur të rifillojë procesi, do të nisë me dëshmitarët e mbrojtjes.

Se si do të shkojë rrjedha e këtij procesi, ngelë të kuptohet me 23 prill 2025, kur Dhomat e Specializuara të Kosovës në Hagë, kanë caktuar mbajtjen e konferencës për ecurinë e çështjes, që është një lloj «udhërrëfyesi» apo agjende për procedurat, afatet dhe punën e këtij procesi”.

ImageJuristi nga Belgjika, Skënder Musliu.Foto galeri
Krahas kësaj, Musliu tregoi se si pritet të vijojë tutje ky proces, ku përmendi edhe dëshmitë që do të fillojnë nga ana e mbrojtjes dhe për atë se si Prokuroria Speciale do mbarvajë procedurën.

“Sido që të jetë, kjo do të thotë se, pas përfundimit të punës së Prokurorisë Speciale, radhën e ka mbrojtja e të katër akuzuarve, e cila ka paralajmëruar se nuk do të ketë numër të madh të dëshmitarëve. Secili nga të akuzuarit e ka ekipin e avokatëve të mbrojtjes, të cilët do t’i propozojnë dëshmitarët e tyre, edhe pse mund të ketë dëshmitarë që i’u konvenon secilit nga ata, mbase përmbajtja e aktakuzës është e tillë. Me këtë rast nuk duhet harruar se edhe Zyra e Këshillit të viktimave ka kërkuar të dëgjohen dëshmitarët e viktimave, që mund të merr pak kohë.

Pas përfundimit të punës së Prokurorisë Speciale, në afat prej 10 ditëve fillon puna e mbrojtjes e të akuzuarve duke i paraqitur trupit gjykues mocionet, me të cilat e kundërshton pjesërisht apo tërësisht aktakuzën. Prokuroria Speciale, po ashtu, ka të drejtë në afat prej 10 ditëve, të përgjigjet apo replikojë kundër mocioneve të mbrojtjes. Duke shqyrtuar mocionet e mbrojtjes dhe kundërpërgjigjet e Prokurorisë Speciale, trupi gjykues mund t’i aprovojë pjesërisht apo tërësisht mocionet. Me këtë rast Prokuroria Speciale, si palë e pakënaqur, në afat prej 10 ditëve, ka të drejtë me kundërargumente të ushtrojë ankesë kundër vendimit të trupit gjykues”, nënvioi ai.

Tutje, juristi nga Belgjika analizoi edhe pritshmëritë e mbrojtjes dhe atë se çka Prokuroria ka ngritur aktakuza.

Megjithatë, pritet të shihet se çfarë do të ndodhë më tej.

“Mbrojtja e të akuzuarve, përveç numrit të vogël të dëshmitarëve, kanë paralajmëruar se si dëshmitarë kanë propozuar persona, të cilët janë njohës të mirë të zhvillimeve dhe rrethanave të periudhës për të cilën ngarkohen të akuzuarit, dhe sipas avokatëva këta persona do t’a bëjnë punën dhe dëshminë më të madhe në favor të mbrotjes.

Në këtë kuptim, nëse i ndëgjojmë deklaratat e avokatëve të të akuzuarve, do të vërejmë se ata shprehin bindjen se gjatë procesit gjyqësor, Prokuroria Speciale nuk ka paraqitur prova kredibile që e mbështesin dhe faktojnë aktakuzën, rrjedhimisht ata presin aktgjykim shfajësues për klientët e tyre, nga ana tjetër, Prokuroria Speciale deklarohet se do të arrijë t’i vërtetojë aktakuzat në fjalë!

Se çfar aktgjykimi do të merr trupi gjykues, ngelë për t’u parë”, shpejgoi Musliu.

Ndër të tjera, ai nuk beson se të akuzuarve do t’u mundësohet gjykimi në liri, kjo për shkak të akuzave të rënda që rëndojnë mbi ta.

Në këtë pikë, vlerëoi se trupit gjykues do t’i marrë kohë për të ardhur deri në një aktgjykim meritor, pasi në fjalë është një dosje voluminoze.

“Meqenëse procesi gjyqësor po hyn në fazën e finalizimit të administrimit të provave, kësisoj, me të drejtë shtrohet edhe pyetja se, a mund dhe a duhet të akuzuarve t’iu ndryshohet masa e sigurisë, respektivisht në vend që të mbahen në paraburgim, ata të mbrohen në liri?! Duke u nisur nga fakti se, të akuzuarit mbahen në paraburgim mbi katër vite, me arsyetimin se, sikur të mbroheshin në liri, do të ndikonin dhe frikësonin dëshmitarët, do t’i prishnin provat, dhe jo vetëm, tani kur do të përfundojë administrimi i të gjitha provave dhe dëshmive, nuk ekzistojnë më këto arsye, mbase tani varet nga vlerësimet e gjykatës.

Duke u nisur nga fakti se të akuzuarit ngarkohen për vepra penale, krime lufte dhe krime kundër njerëzimit, që konsiderohen dhe sistemohen si vepra të rënda penale, për të cilat parashikohet burgim shumëvjeçar…, medoj se, edhe pse janë plotësuar kushtet ligjore, nuk do t’iu mundësohet të mbrohen në liri, sepse trupi gjykues nuk do të rezikoj të merr një përgjegjësi aq të madhe, para marrjes së aktgjykimit.

Trupi gjykues nuk do ta ketë aq lehtë, do ti duhet shumë kohë që të merr një aktgjykim meritor, mbase bëhet fjalë për një dosje shumë voluminoze”, përmbylli Skënder Musliu për “Bota sot”.