Eksperti austriak: Lumiri të jetë zëvendëskryeministër, e Kurti do të kalonte si President…

Kosova është në ditët e fundit drejtë formimit të qeverisë së re. Ndonëse zgjedhjet janë mbajtuar gati dy muaj më parë, tani pritet të formohen institucionet e reja.

Zhvillimet brenda Kosovës janë përcjellur dhe komentuar edhe nga politikanë e zyrtarë ndërkombëtarë.

Një ndër ta, që është shumë i zëshem krahas zhvillimeve në Kosovë, është edhe eksperti austriak Gunther Fehlinger. Ai thekson se Kosova duhet sa më parë të formojë institucionet e saj dhe shtetet tjera mos në kenë ndikim mbi të.

“Më e mira do të ishte që Trump të ketë sa më pak ndikim mbi Kosovën dhe formimin e saj. Mjerisht, sa më gjatë që formimi i Qeverisë së re të ngecë mes përpjekjeve të brendshme të liderëve të Kosovës dhe kështu Trump dhe banda e tij Maga e lobistëve pro-serbë marrin një mundësi vërtet të madhe për të përçarë Kosovën. Është koha për të mbyllur radhët dhe për të treguar unitet dhe për të vënë interesin kombëtar mbi grindjet personale”, thotë ai.

Ai bën thirrje për koaliconin e madh LVV dhe LDK për të formuar qeverinë e re, që sipas tij Kurti do të vazhdojë si kryeministër, Abdixhiku të jetë zëvendëskryeministër. Dhe më pas kur Vjosa Osmani të përfundoj mandatin e saj, Kurti të jetë si President dhe Abdixhiku në pozitën e kryeministërit.

“Përsëri bëj thirrje për koalicion të madh pro evropian mes Vetëvendosjes dhe LDK-së. Kjo do t’i sillte partitë e mëdha politike evropiane EPP dhe PSE të mbështesin qeverinë e re. Kryeministri Kurti mund të vazhdojë dhe Lumiri mund të jetë zëvendëskryeministër deri në zgjedhjet presidenciale. Kurti më pas mund ta pasojë Vjosën si President i Kosovës dhe Lumiri të jetë kryeministër për mandatin e mbetur. Kjo duhet ta çojë Kosovën deri në vitin 2029 kur shpresojmë se do të jetë në detyrë një President i ri më i mirë më serioz i SHBA-së, i cili do ta lejojë Kosovën në NATO”, thotë eksperti austriak.

Mirëpo, sipas tij, tani për tani Trump është një lajm i keq për Kosovën dhe sa më gjatë që luftimet e brendshme të bllokojnë unitetin e Kosovës, aq më i fortë do të jetë Trump në Kosovë dhe kjo do të sjellë vetëm probleme masive.

“Aktualisht Trump është i zënë duke ngatërruar Ukrainën, BE-në, Kanadanë për të shkatërruar sistemin tonë të Aleancës, por më vonë gjatë vitit Trump mund të ngatërrojë Ballkanin dhe serbët janë vetëm duke pritur për këtë. Pra, pse u dha atyre mundësinë? Një koalicion është gjithsesi i nevojshëm dhe më i miri në prill dhe më i miri pa telashe të mundshme në PDK dhe AAK me lidhjet e tyre me bandën Trump Maga. Kurti sa më gjatë të presë dhe të luajë për kohën do të humbasë dhe Kosova me të”, vlerëson Fehlinger për ‘Bota sot’.