Brenda dy dite Posta e Kosovës rikthen në funksion të plotë zyrën postare që u sulmua me bombë në Zveçan
Posta e Kosovës ka njoftuar qytetarët se zyra postare Zveçan-2 është rikthyer plotësisht në funksion pas përfundimit të të gjitha riparimeve të nevojshme, si pasojë e dëmtimit nga sulmi i fundit.
Me përkushtim dhe profesionalizëm, kemi realizuar restaurimin e plotë të infrastrukturës, duke përfshirë vendosjen e xhamave dhe rikonstruksionin e hapësirave të brendshme, për të garantuar një mjedis të sigurt dhe funksional për të gjithë përdoruesit e shërbimeve tona.
Ky rikthim konfirmon misionin tonë të palëkundur për të ofruar shërbime postare të sigurta, të besueshme dhe të vazhdueshme, duke iu përgjigjur nevojave të qytetarëve me përgjegjësi dhe profesionalizëm. Zyra postare Zveçan-2 është tashmë e pajisur me të gjitha kapacitetet e nevojshme dhe ka rifilluar ofrimin e shërbimeve në sportel, duke reflektuar përkushtimin tonë për të qenë gjithmonë pranë qytetarëve, pavarësisht sfidave.
Në këtë zyrë, qytetarët mund të përfitojnë nga një gamë e gjerë shërbimesh postare dhe financiare jo-bankare, duke përfshirë:
✔ Dërgesat postare (brenda vendit dhe ndërkombëtare)
✔ Shërbimet postare të regjistruara dhe Express (dërgesave online, Vula apostile, shërbimi i aplikimit të shtesave për fëmijë)
✔ Shërbimet financiare jo-bankare (pagesa të faturave komunale dhe të ndryshme, tërheqje parash, pagesa të kredive, aplikim për kredi dhe shërbime të tjera jo-bankare nëpërmjet Postës)
✔ Shpërndarja dhe pranimi i pakove, pullat postare e shumë shërbime tjera
✔ Shërbimet e Telekom/Vala: mbushje elektronike, pagesa të telefonisë mobile, fikse, kartela gërvishtëse etj.
Për më shumë informata rreth shërbimeve tona gjeni linqet në vijim:
Për t’ju shërbyer sa më mirë, zyra postare Zveçan-2 do të jetë e hapur çdo ditë pune, nga e hëna deri të shtunën, sipas orarit:
E hënë – E premte: 09:00 – 16:00
E shtunë: 09:00 – 16:00
Posta e Kosovës shpreh mirënjohje të veçantë për institucionet përgjegjëse për mbështetjen e dhënë, si dhe për punonjësit tanë, të cilët me profesionalizëm dhe përkushtim kanë kontribuar në rikthimin e plotë të kësaj zyre. Një falënderim i veçantë shkon edhe për qytetarët për besimin dhe solidaritetin e tyre.
Në përputhje me vizionin tonë për një shërbim modern, efikas dhe të pandërprerë, Posta e Kosovës do të vazhdojë të investojë në zhvillimin dhe përmirësimin e rrjetit postar, duke garantuar që çdo qytetar të ketë qasje të barabartë në shërbime cilësore dhe të sigurta, kudo dhe për këdo.
Posta e Kosovës – Me përkushtim në shërbim të qytetarëve!
