Sulmi me bombë ndaj Postës në veri: Reagon Kryeshefja!

Posta e Kosovës dënon sulmin ndaj zyrës postare në Zveçan

Pas mesnate, zyra postare Zveçan-2 u sulmua me mjete shpërthyese, duke shkaktuar dëme materiale dhe cenim të sigurisë publike. Kryeshefja Ekzekutive e Postës së Kosovës Sh.A. ka dënuar fuqishëm këtë akt, duke e cilësuar atë si sulm ndaj një institucioni publik dhe qytetarëve të vendit.

Reagimi i plote:

“Njoftim publik nga Kryeshefja Ekzekutive e Postës së Kosovës Sh.A.

Sot, pas mesnate, zyra postare Zveçan-2 u sulmua me mjete shpërthyese. Ky nuk është vetëm një akt kriminal ndaj një institucioni publik, por edhe një goditje ndaj sigurisë dhe paqes së qytetarëve tanë. Një sulm i tillë cenon jo vetëm infrastrukturën e një shërbimi publik jetik, por edhe ndjenjën e përkatësisë dhe besimit që kemi ndërtuar me mund e përkushtim për vite me radhë.

Në emër të Postës së Kosovës Sh.A., dënoj fuqishëm këtë akt të papranueshëm dhe bëj thirrje që organet e rendit dhe drejtësisë ta trajtojnë me seriozitet maksimal, duke identifikuar dhe sjellë para drejtësisë autorët e këtij sulmi. Dhuna dhe frikësimi nuk kanë vend në një shoqëri të zhvilluar e demokratike, ne nuk do të lejojmë që këto veprime të na ndalin në përkushtimin tonë për të shërbyer qytetarët e Kosovës, pa dallim, anë e këndë vendit.

Në vitet e fundit, kemi punuar pa u ndalur për të ofruar shërbime cilësore për qytetarët edhe në veri të vendit. Kemi hapur 11 zyra postare, duke siguruar qasje të barabartë në shërbimet tona për të gjithë. Qytetarët e kanë mirëpritur këtë, ata kanë përdorur me besim shërbimet tona, duke dëshmuar se Posta e Kosovës Sh.A. është e nevojshme për të gjithë. Këtë më së mirë e fakton numri i transaksioneve, si të shërbimeve postare, shërbimeve financiare jo-bankare e produkteve tjera që ofrohen në zyrat e operatorit publik postar të Republikës së Kosovës.

Pavarësisht këtij sulmi, shërbimet postare në këtë komunë do të vazhdojnë. Qytetarët mund të përdorin zyrën postare Zveçan-1, e cila ndodhet në objektin e Komunës. Ndërkohë, zyra postare Zveçan-2 do të rikthehet së shpejti në funksion, falë përkushtimit të stafit tonë nga radhët e të gjitha bashkësive e me mbështetjen e institucioneve tona.

Në këtë moment, dua të falënderoj Policinë e Kosovës për reagimin e shpejtë dhe profesional. Dhuna nuk mund të jetë asnjëherë zgjidhje, ne nuk do të lejojmë që frika të zëvendësojë vlerat e përbashkëta. Posta e Kosovës Sh.A. do të vazhdojë të qëndrojë në shërbim të çdo qytetari, si një simbol i stabilitetit dhe përparimit të përbashkët.

Një falënderim i veçantë shkon për të gjithë qytetarët e Kosovës, të cilët na kanë dhënë besimin e tyre dhe na kanë mbështetur në rrugëtimin tonë. Ky besim na motivon të vazhdojmë të punojmë me përkushtim për të ofruar shërbime të sigurta, të shpejta dhe të qasshme për të gjithë. Posta e Kosovës Sh.A. mbetet e qytetarëve dhe në shërbim të qytetarëve!NATO rrit praninë e ushtarëve në Kosovë – 270 ushtarë nga Shqipëria, Bullgaria, Rumania dhe Greqia

KFOR-i ka njoftuar është rritur prania e ushtarëve në Kosovë, nga Shqipëria, Bullgaria, Greqia dhe Rumunë nga Rezervat Operacionale kanë filluar dislokimin e tyre në mbështetje të misioni të KFOR-it, të udhëhequr nga NATO.

Kështu kanë informuar përmes një komunikate për media nga ana e KFOR, ku të cilët kanë shtuar se ky mision vazhdon të kontribuojë në krijimin e një mjedisi të sigurt për të gjithë njerëzit dhe komunitetet që jetojnë në Kosovë.

Komunikata:

Rezervat Multinacionale të dislokuara në mbështetje të KFOR-it

Prishtinë, 01 prill 2025. Ushtarë shqiptarë, bullgarë, grekë dhe rumunë nga Rezervat Operacionale filluan dislokimin e tyre në mbështetje të misionit të KFOR-it, të udhëhequr nga NATO, në Kosovë.

Batalioni i Forcës Multinationale të Rezervës Operacionale (ORF) mori përsipër detyrat nga Batalioni i Forcës Operacionale të Rezervës turke, sipas një plani rotacioni të forcave të mbikëqyrur nga Komanda e Forcës së Përbashkët të NATO-s në Napoli (Itali). Ai ka një forcë prej rreth 270 ushtarësh dhe do të operojë në mënyrë të përkohshme, përkrah 200 forcave të rezervës tashmë të dislokuara nga brigada italiane “Sassari.” Këto përforcime – së bashku me trupat e KFOR-it – rrisin aftësinë e KFOR-it për të reaguar ndaj zhvillimeve të mundshme të situatës së sigurisë, në përputhje me mandatin e tij afatgjatë nga Kombet e Bashkuara, bazuar në Rezolutën 1244 të Këshillit të Sigurimit të Kombeve të Bashkuara të vitit 1999.

KFOR vazhdon të kontribuojë në krijimin e një mjedisi të sigurt dhe të sigurt për të gjithë njerëzit dhe komunitetet që jetojnë në Kosovë, në çdo kohë dhe në mënyrë të paanshme, në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si përgjigjës të sigurisë.”