Kurti përkujton Rugovën: I ka lënë Kosovës një trashëgimi të madhe politike, institucionale dhe letrare e studimore
Kryeministri i Kosovës, Albin Kurti ka përkujtuar Presidentin historik dr. Ibrahim Rugova në 19 vjetorin e ndarjes nga jeta.
Në një postim në profilin e tij në Facebook Kurti ka treguar se kishte rastin që Presidentin Rugova ta takonte dy herë,
Ai tha se Ibrahim Rugova vdiq në moshën 61 vjeçare, duke lënë pas infrastrukturën e një tradite të madhe politike, institucionale dhe studimore.
“Si kryetari i parë i partisë Lidhja Demokratike e Kosovës që nga themelimi i saj më 1989 dhe më pas si Presidenti i Parë i Kosovës nga viti 1992 e tutje, Ibrahim Rugova luajti një rol kyç në ndërkombëtarizimin e çështjes së Kosovës në fillimvitet ’90. Konsistenca e tij retorike me kërkesa për liri, pavarësi dhe demokraci për Kosovën, u dëgjua si një mesazh autentik dhe i besueshëm në të gjitha kancelaritë e shteteve të Evropës dhe në Shtetet e Bashkuara të Amerikës. Në historinë moderne të Kosovës, një dekadë e gjysmë (1989-2006) e saj është e lidhur ngushtë me emrin e Presidentit Rugova, periudhë kjo që fillon me rezistencën paqësore të viteve ’90 dhe përfundon me periudhën e ndërtimit të institucioneve të Kosovës që kulmoi me shpalljen e pavarësisë së saj më 2008”, shkroi Kurti në profilin e tij në Facebook.
