Gruaja e Assad ka kërkuar divorcin dhe largimin drejt Britanisë së Madhe? Reagon Moska zyrtare: Ja e vërteta
Kremlini ka hedhur poshtë raportet se gruaja e Bashar al-Asadit, e lindur në Britani, po kërkonte divorc dhe dëshironte të kthehej në Britani.
Rusia gjithashtu mohoi pretendimet se sundimtari i rrëzuar sirian dhe Asma al-Asadi, gruaja e tij, ishin mbajtur të izoluar në Moskë dhe se pasuritë e tyre ishin ngrirë nga autoritetet ruse.
I pyetur nëse raportet ishin të vërteta, Dmitry Peskov, zëdhënësi i Kremlinit, tha: “Jo, ato nuk korrespondojnë me realitetin.”
Mediat turke dhe arabe raportuan të dielën se ish-zonja e parë e Sirisë kishte paraqitur kërkesë për divorc në Rusi, ku familjes Asad i ishte dhënë azil këtë muaj pasi u rrëzua nga pushteti pas 24 vitesh nga forcat rebele.
Asma al-Asadi, 48 vjeçe, lindi nga prindër sirianë dhe u rrit në Acton, Londër Perëndimore. Ajo u zhvendos në Siri në vitin 2000 dhe u martua me burrin e saj, me të cilin ka tre fëmijë.
