“Deri në vitin 2029 ne duhet të jemi gati për luftë”, Gjermania në alarm
“Ne duhet të jemi në gjendje të përballemi me një luftë deri në vitin 2029.” Kështu ka thënë sot ministri gjerman i Mbrojtjes Boris Pistorius, duke nënvizuar se Putin nuk do të ndalet në Ukrainë.
“Në një skenar serioz, ne kemi nevojë për gra dhe burra të aftë për të mbrojtur veten dhe që mund të mbrojnë këtë vend. Ne duhet të parandalojmë që më e keqja të arrijë më të keqen. Besoj se forma të reja të shërbimit ushtarak janë të nevojshme dhe së shpejti do të paraqesin propozime edhe për formularët e detyrueshëm.”
Thirrjet e Pistorius për strategji të reja të mbrojtjes në rast lufte vijnë në vazhdën e deklaratave të bëra nëntorin e kaluar, kur identifikoi “aftësinë luftarake” ose “të qenit gati për luftë” si një prioritet për t’u ndjekur operacionalisht në politikën gjermane të mbrojtjes.
Ndërkohë, sot qeveria e Berlinit nisi një strategji të re të mbrojtjes në rast krizash dhe konfliktesh, e cila përfshin “masat dhe strukturat e nevojshme për të garantuar pavarësinë dhe sovranitetin e Gjermanisë”.
Udhëzimet sigurojnë që të gjithë aktorët kryesorë – nga forcat e armatosura te organizatat e shpëtimit dhe autoritetet e mbrojtjes civile – mund të kryejnë rolet e tyre në kohë krize.
“Ne fokusohemi në sigurinë e integruar. Të gjitha nivelet shtetërore duhet të punojnë ngushtë së bashku”, tha ministrja e Brendshme gjermane Nancy Faeser.
Sakaq Pistorius nënvizoi: “Ne kemi ndërthurur ngushtë mbrojtjen ushtarake dhe civile në një situatë kërcënimi të rënduar: në hapësirën kibernetike, me dronë mbi pronat e forcave të armatosura, fushata dezinformuese dhe sabotazhe klasike”.
“Plani operacional për Gjermaninë” e sheh vendin si qendër për dislokimin e trupave të NATO-s në Evropë dhe përcakton kush duhet të marrë përsipër detyra të caktuara në secilin skenar krize.
Udhëzimet e përgjithshme të mbrojtjes të miratuara sot zëvendësojnë rregulloret përkatëse të vitit 1989. Si risi kryesore, ministritë theksojnë vëmendjen ndaj kërcënimeve nga hapësira kibernetike dhe luftës hibride nën pragun e një sulmi ushtarak./a2cnn