Diçka po zihet: Dodik shkon në Moskë për tu takuar me Putinin, pastaj niset drejt Serbisë

I sanksionuari i Amerikës, njeriu i afërt i Vladimir Putinit dhe përkrahës i ideve të tij, njeriu që kërcënon vazhdimisht Bosnje dhe Hercegovinën me ndarje nuk ndalet së vizituari Moskën.

Këtë herë Presidenti i RS Milorad Dodik po shkon në shtetin që po bën luftë të ashpër në Ukrainë për të marrë pjesë në Forumin Ekonomik Ndërkombëtar në Shën Petersburg.

Është ky forum në të cilin Dodik shpreson të takohet me Presidentin e Rusisë Vladimir Putin, i cili do të jetë pjesëmarrës në këtë ngjarje.

Se është planifikuar gjithashtu një takim midis Dodik dhe Putin mbi situatën në Bosnje dhe Hercegovinë dhe Rezolutën e Asamblesë së Përgjithshme të OKB-së për Srebrenicën, e konfirmoi ndihmësi i Kremlinit, Yuri Ushakov.

Sipas mediave, Ushakov shtoi se Rezoluta për gjenocidin në Srebrenicë mund të përkeqësojë dallimet ekzistuese dhe të rrisë potencialin konfliktual të rajonit.

Dodik më herët kishte njoftuar se do të vinte në Beograd, për Asamblenë Gjithëserbe më 8 qershor, direkt nga Moska.