E arrestuar si administratore e grupit “Albkings” është edhe një vajzë

Shtatë persona kanë rënë në prangat e Policisë së Kosovës si administratorë të grupit “Albkings” që denigronte vajzat.

Në mesin e tyre është edhe një vajzë, e cila po ashtu ishte administratore në atë grup, ka konfirmuar kryeprokurori i Prokurorisë Themelore e Prishtinës, Zejnullah Gashi.

Ndërkohë, prokurorja e rastit, Erza Bajrami-Kastrati, bëri me dije se pas grupi është mbyllur përfundimisht, i cili pas mbylljes së parë është hapur edhe dy herë të tjera, gjithashtu prokurorja e rastit zbuloi edhe inicialet e tre personave në mesin e tyre një e gjinisë femërore.

“Me datën 16 Prill 2024 është lëshuar aktvendim mbi ndalimin e të pandehurit E.N njëri prej administratorëve të këtij grupi, me datën 23 Prill 2024 është ndaluar personi i dytë i dyshuar mbi këtë rast i gjinisë femërore me inicialet E.S, me datën 23 Maj 2024 është arrestuar administratori kryesor dhe krijuesit të grupit me inicialet F.P”, ka thënë ajo.