Ali Ahmeti i lë me dy deputetë: Pakënaqësi në grupin e Selës!

Ali Ahmeti ka vendosur që grupin e Selës ta merr në koalicionin e ashtuquajtur “Fronti Europian” me kushtet që do ti përcakton ai vetë e jo Sela. Siç bëjnë të ditura burimet tona nga të dyja taboret, Ahmeti ia ka tërhequr vizën Selës që në koalicion mund të hyn vetëm me dy deputetë për t’i pasur në listat e përbashkëta si mundësi për ti fituar e jo siç Sela ka kërkuar pesë.

Njëri deputet i sigurt nga radhët e Selës do të dilte nga Njësia e Gjashtë Zgjedhore, ku me gjasë në kombinim fitues do të jetë Ilire Dauti e treta te kjo njësi dhe Sela si bartës i listës të koalicionit të udhëhequr nga BDI te Njësia e Pestë Zgjedhore.

Në njësitë e tjera por as te këto dy njësi, Ahemti nuk i jep kombinime të tejra fituese Selës.

Kjo gjë ka shfaqur në pah pakënaqësitë te grupi i Selës pasi ai u ka premtuar pesë deputetë apo grup parlamentar nëse futen në lista të përbashkëta me BDI-në.

Ky premtim i rremë i Selës nuk daton që sot, por kohë më parë për çka erdhi deri te vendimi i kreut të ASH-së Arben Taravari që ti bashkangjitet opozitës së bashkuar shqiptare “VLEN”. Sela deri më tani në opinion e ka shitur idenë se do garojnë gjoja të vetëm në zgjedhje, por tani bien maskat thonë burime tona, dhe siç ata theksojnë, shihet qartë se Sela ka qenë ai që për interesat e disa individëve dhe interesin perosonal solli përçarje në parti.

Ndryshe, grupi i Selës pritet ti bashkangjitet të a.q “Front Europian” këtë të shtunë, ku bën pjesë edhe Mendu Thaçi dhe me gjasë pjesë do të jetë edhe Kurto Dufush nga Unioni i Romëve.