Vuçiq për terroristët: Dy u vranë me snajper pa pasur nevojë të likuidoheshin

Presidenti i Serbisë, Aleksander Vucic, ka folur në një konferencë për media për grupin e organizuar terrorist që ka vrarë një pjesëtar të Policisë së Kosovës dhe që ka plagosur dy të tjerë.

Kreu i shtetit serb, teksa ka folur për terroristët e vrarë, ka thënë se sipas informacioneve që ka “janë vrarë tre serbë nga Kosova”.

Sipas tij, dy prej tyre janë vrarë me snajper “ kur s’ishte e nevojshme që të likuidoheshin”, shkruan Novra.rs, transmeton Express.

Ai ka thënë se janë plagosur edhe dy të tjerë nga grupi terrorist, derisa ka shprehur “frikën” se edhe një i katërt mund të ketë mbetur i vrarë.