Kurti do zbatim të shpejtë të Marrëveshjes, Bërnabiq ia kërkon Asociacionin: Bëje
Kryeministri i Kosovës, Albin Kurti ka kërkuar që marrëveshja e fundit e arritur me Serbinë të zbatohet plotësisht dhe pa vonesa.
Kurti shkroi në Twitter se për këtë marrëveshje u negociua dy vjet në Bruksel.
“Ne kemi kaluar 2 vitet e fundit në Bruksel duke negociuar një marrëveshje ligjërisht të detyrueshme mes Kosovës dhe Serbisë. Më 18 mars në Ohër, përfaqësuesi i lartë i BE-së, Josep Borrell njoftoi zyrtarisht marrëveshjen. Ajo që është rënë dakord duhet të zbatohet plotësisht. Asnjë zbatim i pjesshëm; pa vonesa”, ka shkruar Kurti.
Pas pak minutash, kryeministrja e Serbisë, Ana Brnabiq i reagoi, duke i kërkuar formimin e Asociacionit të komunave me shumicë serbe.
“Për tre ditë, më 19 prill, bëhen saktësisht 10 vjet, një dekadë e tërë, nga nënshkrimi i Marrëveshjes së Brukselit. Ne kemi pritur 10 vjet që Prishtina ta bëjë punën e saj, 10 vjet që Asociacioni i i Komunave Serbe të formohet. Bëje atë”, shkroi Bërnabiq, duke përmendur edhe emisarin e BE-së, Miroslav Lajçak.
In 3 days, on 19 April, it will be exactly 10 yrs, a whole decade, since the Brussels Agreements was signed. We've been waiting for 10 yrs for Priština to do its part of the work, 10 yrs for the Community of Serb Municipalities to be established. Do it. @eu_eeas @MiroslavLajcak https://t.co/uhc1mZKtH5
— Ana Brnabic (@anabrnabic) April 16, 2023
Kurti tregoi se në dy vitet e fundit në Bruksel kanë negociuar për një marrëveshje ligjërisht të detyrueshme mes Kosovës dhe Serbisë.“Ne kemi kaluar 2 vitet e fundit në Bruksel duke negociuar një marrëveshje ligjërisht të detyrueshme mes Kosovës dhe Serbisë. Më 18 mars në Ohër, përfaqësuesi i lartë i BE-së, Josep Borrell njoftoi zyrtarisht marrëveshjen. Ajo që është rënë dakord duhet të zbatohet plotësisht. Asnjë zbatim i pjesshëm dhe pa vonesa”, është shprehur Kurti në Twitter.
