Kurti emëron një këshilltar për marrëdhëniet me Maqedoninë e Veriut

Kryeministri i Republikës së Kosovës, Albin Kurti, e ka emëruar z.Bekim Qoku, Këshilltar i Jashtëm Politik i Kryeministrit për marrëdhëniet me Republikën e Maqedonisë së Veriut.

Kryeministri Kurti i uroi z.Qoku suksese në detyrën dhe përgjegjësitë e reja, në funksion të zgjerimit dhe thellimit të bashkëpunimit me Maqedoninë e Veriut.

Përgjatë dy vjetëve prej kur është bërë kryeministër, Kurti ka emëruar 24 këshilltarë, gjashtë prej të cilëve janë këshilltarë të jashtëm.