Brenda familjes amerikane, anëtarët e së cilës komunikojnë përmes ‘lehjes’ dhe zhurmave, teksa takohen me njerëz

Sjelljet e një prej familjeve kur njerëzit prodhohen duke u shumuar midis njerëzve të lidhur ngushtë në Amerikë, me bazë në Virxhinian Perëndimore, janë zbuluar pasi një regjisor i vizitoi ata në shtëpinë e tyre.

Bëhet fjalë për producentin Mark Laita ka hedhur në qendër të vëmendjes “The Whittakers” – të cilët ai kujton se kur takohen me njerëzit tjerë, “lehin”, komunikojnë përmes zhurmave dhe shpesh ikin – nëse ju tentoni të flisni me ta, përcjell Telegrafi.

Laita publikoi një film të shkurtër në kanalin e tij në YouTube, në një përpjekje për të raportuar mbi histori të patreguara nga i gjithë vendi ku ai përshkroi takimet e tij.

Në prill të vitit të kaluar ai rivizitoi familjen Whittaker, të cilën e takoi për herë të parë në vitin 2004 dhe e filmoi në 2020, dhe foli për këtë në kanal.

Reklama
Familja jeton në një fshat me 800 banorë të quajtur Odd, 75 milje (rreth 120 kilometra) në jug të Charleston.

“Whittakers” janë tre prej tyre, të quajtur Lorraine, Timmy dhe Ray.

Prindërit e tyre ishin dy kushërinj të parë, raportoi The Sun dhe komplikimet gjenetike supozohet se kanë shkaktuar një mori çështjesh të sjelljes, raportoi Laita.

Laita kujtoi ndërtimin e marrëdhënieve të tij me familjen dhe hera e parë që ai iu afrua atyre ishte në fillim të viteve 2000, kur fillimisht u prit nga fqinjët ‘mbrojtës’ me një armë gjahu.

“Atyre nuk u pëlqejnë njerëzit që vijnë për t’i tallur këta njerëz”, tha Laita në podcast.

Në atë kohë, Laita donte të bënte foto të tyre për librin e tij që tregonte histori të kulturave të ndryshme në SHBA.

Reklama
Ndërsa ai nuk u mirëprit fillimisht, ai u lejua të shkrepte disa foto dhe madje ia dhuroi disa familjes.

Laita tha se ai u kthye në shtëpi me një dëshirë për të parë se si po shkonte familja, përcjell Telegrafi.

Më pas ai vendosi të merrte iPhone-in e tij dhe të merrte pamjet e ‘nivelit të varfërisë’ dhe kushteve të tyre të jetesës.

Familja dukej se kalonte shumë kohë në verandën e tyre të përparme ku kishte një divan, kolltuk dhe sende të tjera shtëpiake.

Atëherë ai vuri re se “Whittakers” kishin probleme të ndryshme shëndetësore dhe disa ishin në gjendje të komunikonin vetëm me zhurmë.

Një i afërm i tha Laita-s: “Ata e kuptojnë se për çfarë po flisni. Nëse nuk u pëlqen, ata fillojnë të bërtasin – le ta dini se nuk u pëlqen kjo ide”.

Reklama
Ndryshe, Virxhinia Perëndimore është një nga shtetet më të varfra në vend.

Pothuajse 17 për qind e 1.77 milion banorëve jetojnë në varfëri, sipas Census.

Mesatarja në SHBA është 11.6 për qind. Vetëm Mississippi, Luiziana, New Mexico dhe Arkansas ishin më keq. /Telegrafi/