Sadri Ramabajës s’i pëlqen asgjë në Kosovë – tash thotë se Kushtetuesja është kështjellë e PDK-së

Sadri Ramabajës s’i pëlqen asgjë në Kosovë – tash thotë se Kushtetuesja është kështjellë e PDK-së

Opinionisti Sadri Ramabaja ka hedhur akuza në drejtim të Gjykatës Kushtetuese pas vendimit të fundit për ligjin mbi KPK-në.

Madje, Ramabaja ka shkuar aq larg sa edhe e ka etiketuar si kështjellë të PDK-së, përcjell lajmi.net.

Këto deklarime ai i bëri në Pressing, ndërsa thotë se kjo gjykatë krejt aktivitetin e bën në emër të pengimit të reformës së drejtësisë.

“Unë kam një përshtypje që Gjykata Kushtetuese aktualisht është shndërruar në një kështjellë të PDK’së dhe krejt aktivitetin e saj e bën në emër të pengimit të reformës së drejtësisë, sepse cenohen rëndë interesat e atyre që e kanë kapur republikën për 20 vjet dhe e kanë sjellë në këtë gjendje”.