Rama i dhuron Osmanit hyjneshën në fron, gjatë vizitës së parë në Komunën e Prishtinës

Rama i dhuron Osmanit hyjneshën në fron, gjatë vizitës së parë në Komunën e Prishtinës

Në Ditën e Gruas, kryetari i Prishtinës, Përparim Rama ka pritur në takim presidenten e vendit, Vjosa Osmani.

Rama tha se bashkë me Osmanin diskutuan për angazhimin në fuqizimin e grave dhe rëndësinë e përfshirjes së tyre në pozita drejtuese, transmeton lajmi.net.

Po ashtu Rama tha se mirëpresin thellimin e bashkëpunimit në këtë drejtim.

Me këtë rast Rama gjithashtu i ka dhuruar presidentes Osmani simbolin e kryeqytetit “Hyjnesha në fron”.

Presidentja Osmani e ka falënderuar Ramën, teksa theksoi se “Hyjnesha në fron është simbol i gruas së fortë”.

Postimi i plotë:

Kënaqësi e veçantë të pres sot Presidenten e Republikës së 🇽🇰, Dr. Vjosa Osmani.

Bashkë diskutuam për angazhimin tonë në fuqizimin e grave dhe rëndësinë e përfshirjes së tyre në pozita drejtuese.

Mirëpresim thellimin e bashkëpunimit në këtë drejtim./Lajmi.net/