Grenell: Thaçi është ende në burg – aktakuza e Jack Smith ndaj tij, e mbushur me gënjeshtra
Grenell: Thaçi është ende në burg – aktakuza e Jack Smith ndaj tij, e mbushur me gënjeshtra
Ish-përfaqësuesi special i Shteteve të Bashkuara për dialogun Kosovë – Serbi, Richard Grenell ka kërkuar nga mediet që të merren më shumë me ndjekjen penale të Hashim Thaçit nga ish-kryeprokurori i Gjykatës Speciale, Jack Smith.
Grenell përmes një cicërime në Twitter ka thënë se Smith ka rrënuar reputacionin e Hagës.
Sipas tij, aktakuza ndaj ish-presidentit të Kosovës, Hashim Thaçi është e mbushur me gënjeshtra.
“Media duhet të merret me ndjekjen penale të Hashim Thaçit nga ish-kryeprokurori Jack Smith.. Thaçi është ende në burg – e megjithatë aktakuza e Jack Smith është e mbushur me gënjeshtra. Dëshmitarët e rremë tani kanë disa akuza të egra për taktikat e Jack. Ai ka shkatërruar reputacionin e Hagës”, tha Smith.
Kujtojmë se Jack Smith ka dhënë dorëheqje nga pozita e kryeprokurorit të Gjykatës Speciale në nëntor të vitit të kaluar.
Smith, i cili ishte në detyrën e kryeprokuroit që nga viti 2018 në Gjykatën e Hagës, për të hetuar krimet e luftës në Kosovë, tani do të jetë pjesë e sistemit të drejtësisë në Shtetet e Bashkuara të Amerikës, për të hetuar raste të tjera.
The media should be looking at Jack Smith’s Hague prosecution of @HashimThaciRKS.
Thaci is still in prison – and yet Jack Smith’s indictment is filled with lies.
The fake witnesses now have some wild accusations of Jack’s tactics.
He’s ruined The Hague’s reputation.
— Richard Grenell (@RichardGrenell) March 4, 2023
